MATEUS 13:30 - BIBEL JAMITA NA DENGGAN

³⁰ Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 13:30 ပူးပေါင်းရင်းမြစ်များ

2 SAMUEL 23:7

so adong halak na ra manondong i, anggo so adong parkokas sian hayu sanga bosi. Abis do halak sisongon i panganon ni api.

JOB 39:12

Tarpasahat ho ma he tusia pos ni roha palagutkon suha ni sabamu, lalu marobansa tu pardegeanmu?

JESAYA 17:5

Songon saba na dung nisabi noma Israel, jana songon lungun ni ladang na di Rura Refaim muda dung salpu sabion.

MALEAKI 3:18

Mangulahi ma idaon ni bangsongKu na asing do bagian ni halak na burju sian na jahat, bagian ni halak na marpangoloion tu Au dohot halak na so mangoloi tu Au.”

MATEUS 13:25

Jadi di sada borngin, dung marmodoman sude halak, ro alo ni partani i manyabur simareme-eme di tonga-tonga ni eme i. Dung i kehe ia.

MATEUS 13:29

‘Indangkon,’ ning ia mangalusi. ‘Harana muda dibaboi hamu naron simareme-eme i, gabe tarumpat ma dohot eme i.

MATEUS 25:32

Sude halak na satano on dipalagut ma di joloNia. Dung i sirangonNa ma halahi gabe dua punguan songon panyirang ni hambeng sian biri-biri.

MATEUS 25:41

Dung i didok Raja i ma tu halak na di siambirangNia i, ‘Morot ma hamu sian on, hamu angka na hona bura! Masuk ma hamu tu api na so ra mintop na niparade di Sibolis dohot di angka surusuruanna!

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

LUKAS 3:17

Madung rade Ia mamiari, laho paiaskon eme sian lapung. PalagutonNia ma eme tu talobat, tapi anggo lapungNa i tutungonNia ma tu api na so ra mintop!”

JOHANNES 15:6

Sanga ise na so tinggal di bagasan Au, ambungkonon ma ia songon ranting i gabe mahiang. Angka ranting na songon i, sipalaguton ma i jana siambungkonon tu bagasan api, anso mosok.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

1 TIMOTEUS 5:24

Dosa ni deba halak, inda diadili dope madung tangkas tarboto. Tapi dosa ni na deba, dung niadilan pe anso tarboto.

1 SAMUEL 25:29

Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.