MATEUS 13:2 - BIBEL JAMITA NA DENGGAN

² Na bahatan halak marlagut mangkaliangi Ia. Gabe masuk ma Ia tu parau, disi noma Ia juguk. Tapi anggo halak na bahat i di topi-topi ma marjongjongan.

MATEUS 13:2 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

MATEUS 15:30

Marroan ma bahat halak mandapotkon Ia maroban angka na timpang, na mapitung, na onyangon, na ngungu dohot angka na marnyae na asing. Dipayakkon halahi ma angka na marnyae i di lambung pat ni Jesus. Gabe dipamalum Jesus ma halahi.

MATEUS 4:25

Bahat sajo do halahi na mangihutkon Jesus di hatiha i – adong na ro sian Galilea, adong ma i na ro sian Luat Dekapolis (artina Sampulu Kota), adong na sian Jerusalem dohot sian Judea. Adong dope na ro sian luat na di ipar ni Batang aek Jordan.

MARKUS 4:1

Mangajari ma Jesus mangulahi di topi ni Dano Galilea. Na bahatan halak mangarongomi Ia. Hara ni bahat ni jolma i, kehe ma Ia juguk di bagasan sada parau na di aek i. Di topi ma marjongjongan halak na bahat i.

LUKAS 5:3

Masuk ma Jesus tu sada parau, i ma parau ni si Simon, laing disuru Ia ma si Simon mangonjar parau i dumao saotik sian topi ni dano i. Juguk ma Jesus di bagasan parau i, gabe sian i ma diajari Ia halak na bahat i.