MATEUS 13:19 - BIBEL JAMITA NA DENGGAN

¹⁹ Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 13:19 ပူးပေါင်းရင်းမြစ်များ

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.

JEHESKIEL 31:18

Songon ise ma ho didok rohamu, marsangap dohot marhagodangan di tonga-tonga ni angka hayu di Eden? Hape ho noma tu banua toru rap dohot angka hayu di Eden, angkon payak ho di tonga-tonga ni halak pardosa rap dohot halak na mate dibaen podang. I ma pangalaho ni si Parao raja ni Mesir dohot sandok na nirajaanna. Songon i ma didok Tuhan Debata.”

MATEUS 12:26

Antong, muda dipaisir Sibolis i donganna, jana marsalisi halahi sama halahi, songon dia dehe tarbaen togu harajaanna lakna?

MATEUS 13:20

Same na nisaburkon tu inganan na marbatu-batu i, i ma tarsongon halak na manigor marjop ni roha manjagit jamita i hatiha dibege ia.

MATEUS 13:38

Portibi on ma ladang i. Anggo same na denggan i, i ma angka halak na dung gabe parsidohot di Harajaan i. Simareme-eme i, i ma angka halak na mangoloi si Jahat i.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

MATEUS 5:37

Dok sajo ma ‘Olo’ sanga ‘Nada’ – muda tamba sian i, sian Sibolis do i ro.”

MARKUS 4:15

Huhul mardabuan di topi-topi ni dalan do hata i, tarsongon i ma angka halak na manangihon hata i. Disi dibege halahi manigor jalop ma ro Sibolis i mambuat hata na dung nisabur i di roha ni halahi.

LUKAS 10:9

Pamalum hamu ma angka na marnyae na di kota i, jana dokkon hamu ma tu angka halak na disi, ‘Madung donok tu hamu, Harajaan Ni Debata.’

LUKAS 9:2

Dung i disuru Ia ma halahi anso kehe pasarkon barita taringot tu Harajaan Ni Debata dohot pamalumkon halak na marnyae.

JOHANNES 18:38

Disapai si Latus ma Ia, “Aha dehe arti ni hasintongan?” Dung i marlojong ma si Latus kehe tu ruar mandapotkon halak Jahudi i, didok ia ma tu halahi, “Sada pe nada adong dapot au hasalaanNia.

JOHANNES 8:43

Hara ni aha dehe umbaen na so diastui hamu na Hudok i? Angke nada tahan hamu umbege pangajaranKi.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.

BAENON NI ANGKA RASUL 18:15

Hape na martangkangi do hamu hara ni angka pandohan dohot angka goar dohot angka aturanmunu sandiri! Anggo soal na songon i hamu do pasidungkon i. Nada ra au laho manguhumi angka pangalaho na songon i!”

BAENON NI ANGKA RASUL 20:25

Madung hutogu hamu sudena jana madung hujamitahon muse tu hamu Harajaan Ni Debata. Anggo saonnari ninna rohangku, nada marsuo be au dohot hamu.

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

SURAT NI SI PAULUS TU PARLAGUTAN ROM 1:28

Jadi hara ni na so diporluhon halahi laho mananda Debata, laing songon i ma dipasahat Debata halahi tu parrohaon na so hasaya, mambaen na so tupa.

SURAT NI SI PAULUS TU PARLAGUTAN ROM 14:17

Harana anggo di Harajaan Ni Debata, nada sipanganon sanga siinumon na porlu disi, tapi hatigoran dohot hadamean dohot jop ni roha na nilehen ni Tondi Parbadia do.

SURAT NI SI PAULUS TU PARLAGUTAN ROM 2:8

Tapi haririmas dohot hamumuruk do di halak na manjalahi haporluon di dirina sandiri, na so mangoloi hasintongan i, tapi na mangoloi tu hageduhan.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

2 TESSALONIKA 2:12

Jadi gabe hona uhum ma sudena halak na mangkagioti dosa dohot na so porsaya tu na tutu i.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.

1 JOHANNES 3:12

Nada songon si Kain, na ro sian na jahat jana na mambunu anggina. Hara ni aha ma lakna umbaen na nibununia i? Dibaen na jahat do pambaenannia i, tapi na tigor do na nibaen ni angginia i.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.