MATEUS 13:14 - BIBEL JAMITA NA DENGGAN

¹⁴ Tarjadi ma tu halahi na nidok ni Panurirang Jesaya na mandok, ‘Sai giot manangihon do nian hamu jana manangihon, hape so diastui hamu. Sai giot mangaligi do nian hamu dohot matamunu jana mangaligi, hape so diida hamu.

MATEUS 13:14 ပူးပေါင်းရင်းမြစ်များ

JEREMIA 5:21

“Hamu halak na bodo dohot na so marpikiran tangihon hamu! Adong do matamunu tapi nada marnida, marpinggol do nian tapi nada marbinege!

JEHESKIEL 12:2

“Ale anak ni jolma, di tonga-tonga ni bangso pangalo do ho maringanan. Marmata do halahi, tapi nada marnida; marpinggol do nian tapi nada marbinege, angke sai na mangalo do giot ni halahi.

MARKUS 4:12

Dibaen Debata pe songon i, anso ‘Torus do bolnang halahi mangaligi, tapi umpe diidasa, torus do halahi manangihon, tapi umpe mangarti, angke sugari diida jana diastui halahi gabe ro ma halahi tu Debata dung i gabe ampunan ni Debata ma halahi.’ ”

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

SURAT NI SI PAULUS TU PARLAGUTAN ROM 10:16

Tapi nada sudena halak manjagit Jamita Na Denggan i. Angke didok si Jesaya do, “O Tuhan, ise ma he na mangkaporsayai na hami baritahon i?”

2 KORINTUS 3:14

Madung digupgupi roha ni halahi. Jana lopus tu sadari on pe laing targupgup dope roha ni halahi dibaen panggupgupina i muda disise halahi angka buku taringot tu parjanjian na honok. Angkon marhasadaon dohot Kristus do, anso tarungkap halak panggupgupi i.

PANGARATAION 29:4

Tapi lopus tu sadari on laing nada podo dilehen Ia pangastuion di hamu taringot tu sude na nialamanmunu i.