MATEUS 12:7 - BIBEL JAMITA NA DENGGAN

⁷ Tapi sugari diboto hamu sanga dia do astuan ni hata on: ‘Asi ni roha do giotKu, nada anggo na nihaulkon, tontu nada pola uhumonmunu halak na so marsala.

MATEUS 12:7 ပူးပေါင်းရင်းမြစ်များ

JOB 32:3

Muruk muse ma ia tu ale-ale ni si Job na tolu halak i hara ni na so lobas halahi mangalusi angka hata na nidok ni si Job i, haru pe dipasala ia halahi.

MASMUR 109:31

Dibaen dibela jana dipalua Ho halak na pogos sian angka halak na mandabu uhum hamatean tusia.

MASMUR 94:21

Marsatahi halahi mangalo halak na jujur, jana mandabu uhuman mate tu halak na so marsala.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

HOSEA 6:6

GiotKu nian ditanda hamu ma Au jana tongtong dihaholongi hamu, nada anso dihaulkon hamu haul tu Au.

MATEUS 22:29

Dialusi Jesus ma, “Lilu do hamu! I ma tandana na so diboto hamu Buku Na Badia i. Kuaso ni Debata pe inda diboto hamu.

MATEUS 9:13

Patangkas hamu ma jolo sanga aha do astuan ni hata on: ‘Mida asi ni roha do jop rohangKu, nada mida haul.’ Harana nada na giot mamiohon halak sibaen na tigor umbaen na ro Au, tapi na mamiohon pardosa do.”

MARKUS 12:33

Dung i, angkon holong do roha ni jolma mida Debata sian sude rohana, dohot sian sude pikiranna dohot sian sude na adong disia. Dung i muse angkon holong do roha di halak na asing songon na mangkaholongi diri niba sandiri. Dumengganan dope na songon i ulang pado na manghaulkon pahan-pahanan sanga angka haul na asing tu Debata di ginjang ni inganan parkaulan i.”

BAENON NI ANGKA RASUL 13:27

angke na so pamotoan ni halak Jerusalem dohot angka pamimpin ni halahi, hapengani Ia do Jesus i. Na so mangarti do halahi na tarsurat di pangajaran ni angka panurirang haru pe disise halahi i ganop Ari Sabat, gabe diuhumi halahi ma Jesus. Tapi hara ni na nibaen ni halahi songon i gabe tulus ma na nidok ni angka panurirang hian.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.

JOSUA 5:5

Di hatiha na haruar angka halak Israel sian Mesir, na dung marsunat do sude angka halaklahi di halahi. Tapi di na madang-adang angka halak Israel di parhorsihan opat pulu taon honokna, sada halak pe sian dakdanak ni halahi halaklahi nada adong dope na disunat.

1 SAMUEL 15:22

Tapi didok si Samuel ma, “Dia do na jumop roha ni Tuhan, pangoloion tu Tuhan do ulang pado na manghaulkon haul? Marpangoloion tu Tuhan, dumenggan do i sian na manghaulkon haul. Dumenggan do i sian tabo-tabo ni biri-biri.