MATEUS 12:45 - BIBEL JAMITA NA DENGGAN

⁴⁵ Dipiohon ia ma pitu nari tondi na asing na jumahat sian ia. Dung i masuk ma halahi tu pamatang ni jolma i, disi ma halahi maringanan. Gabe mur jumahat ma pangalaho ni halakna i sian na parjolo i. Songon i muse ma na masa tu na sasundut na jahat on.”

MATEUS 12:45 ပူးပေါင်းရင်းမြစ်များ

HAMALIMON 13:20

anso dipareso. Muda umbagas do tihas i sian sibuk na humaliang i, bope imbulu na disi madung bontar, dohonon ni malim ma na ramun halahi. Baro i ma boncir ni nyae huliton na gabe parmaraan.

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 12:44

Gabe didokkon ia ma, ‘Gumonan ma au mulak tu bagas na hutinggalkon i.’ Jadi dung lalu ia tusi, didapot ia ma rumar bagas i, ias taratur sude.

MATEUS 17:21

Tapi anggo setan na songon on, tangiang dohot puaso sajo do tarbaen paruarkon i.]”

MATEUS 23:15

Marjaya ma hamu angka Siboto Surat dohot halak Parise! Angka pangalancap do hamu! Kehe do hamu taripar laut tu na dao laho mangelek-elek sada halak anso masuk mangihutkon ugamomunu. Dung diihutkon ia ugamomunu i, hape na giot pamasuhonmunu do ia tu narako, dua noli lompit jahatna sian hamu sandiri!

MATEUS 23:24

Angka pamimpin na mapitung do hamu! Lanok na di panginumanmunu do disaring hamu hape unto dibondut hamu!

MARKUS 16:9

Dung mulak mangolu Jesus, di Ari Minggu manyogot disi ma parjolo dipatidahon Ia diriNia tu si Maria Magdalena. (Sian si Maria on ma unjung dipaorot Ia pitu setan.) Kehe ma dadaboru i mandapotkon si Petrus rap dohot angka dongannia i, manigor dipaboa halahi ma bope hum saotik, sude na nipaboa ni doli-doli i tu halahi.

MARKUS 5:9

Dung i disapai Jesus ma tusia, “Ise dehe goarmu?” Dialusi bayo i, “ ‘Legiun’ do goarku, harana na bahatan do hami on!”

LUKAS 11:26

Dung i dipio ia ma pitu nari tondi na hodar na dao jumahat sian ia. Dung i ro ma halahi jana maringanan di bagasan halakna i mangulahi. Ujungna mur jumatjat ma pangalahona sian na parjolo i.”

EPESUS 6:12

Angke nada marporang hita mangalo jolma, tapi na laho mangalo gogo ni angka setan na markuaso di hatiha na jahat on do. Angka tondi na jahat na mangkuasoi awang-awang i do na taalo.

IBRANI 10:39

Anggo hita nada halak na sumurut sanga na lilu hita. Tapi halak na porsaya do hita jana na dung nipalua.