MATEUS 12:4 - BIBEL JAMITA NA DENGGAN

⁴ Masuk do ia tu Bagas Ni Debata. Dipambuati ia dohot dongannia i roti na nihaulkon tu Debata. Na so tola hian do ia bope dongannia mangankon i. Hum malim do na tola mangankon i.

MATEUS 12:4 ပူးပေါင်းရင်းမြစ်များ

HARURUAR 25:30

Angkon di jolo ni Poti Parjanjian i do baenon meja i, jana di ginjang ni meja i angkon tongtong do adong roti na badia na nisombahon tu Au.”

HAMALIMON 8:31

Dung i didok si Musa ma tu si Harun dohot tu angka anakna i, “Oban ma juhut haul i tu pintu ni Bandar Parmianan Ni Tuhan lalu lompa disi. Dung i songon na dung diparentahon ni Tuhan i, angkon panganonmunu do disi roti na di bagasan bakul i na dung marisi haul pangangkaton.

MATEUS 12:3

Dialusi Jesus ma, “Na so jungada dehe disise hamu taringot tu karejo ni si Daud dompak male ia dohot dongannia sauduran i?

MATEUS 12:5

Sanga na so unjung dope disise hamu di Buku Tona, taringot tu pangalaosion ni angka malim di Ari Sabat di bagasan Bagas Ni Debata i, hape nada marsala halahi?

LUKAS 6:4

Masuk ia tu Bagas Ni Debata, dibuat ia roti na dung dihaulkon tu Debata, dipangan ia. Dung i dilehen ia muse do roti i tu angka dongannia i. Hape nian anggo mangihutkon Tona ni ugamonta hum malim sajo do na tola mangankon roti i. Anggo halak na asing, nada tola.”

IBRANI 9:2

Dipajongjong do sada bandar, bagian parjolona i nigoaran do i Inganan Na Badia. Adong ma disi parlampuan, jana adong muse ma meja dohot roti na nihaulkon tu Debata.

1 SAMUEL 21:4

Jadi ninna malim i ma, “Nada adong di au anggo roti na somal, hum roti haul sajo do; tola do i buatonmu, asal ma na so baru marcampur paranganmi.”

1 SAMUEL 21:6

Dung i dilehen malim i ma roti haul i tu si Daud, angke hum roti na dung dihaulkon tu Debata do adong disia, jana dibuat ma i sian langgatan anso digonti dohot roti na imbaru. (