MATEUS 12:29 - BIBEL JAMITA NA DENGGAN

²⁹ Bia ma pambaen ni halak masuk tu bagas ni sada halak na gogo laho mangarampas sinadongannia? Inda he jolo diihoti ia do halak na gogo i? Dung diihoti ia pe baru anso tarrampas ia sinadonganna i.

MATEUS 12:29 ပူးပေါင်းရင်းမြစ်များ

JESAYA 49:24

Hape didok hamu, “Tarrampas ma he taban-taban sian tangan ni ulubalang, sanga bisa dehe malua na tartangkup sian tangan ni na togos?”

JESAYA 53:12

Hara ni i lehenonKu ma tusia angka na sangap songon rampasan dohot angka na togos songon tabanan, i ma gonti ni na dung dilehen ia hosana tu hamatean dohot hara ni na dietong ia parjahat, haru pe ia do mananggung dosa ni halak na bahat, jana martangiang tu parjahat i.

MATEUS 12:28

Tondi Ni Debata do na mangalehen kuaso anggo di Au laho mangusir setan. I ma tandana madung ro Harajaan Ni Debata tu hamu.

MATEUS 12:30

Na so mandongani Au tontu alongKu. Dung i halak na so dohot palagutkon rap dohot Au, tontu na paserakkon do i!

MARKUS 3:27

Nada tarbaen halak masuk tu bagas ni na gogo laho mangarampas sinadonganna i anggo so jolo ditambat ia na gogo i. Dung i pe, baru tarrampas ia sude sinadonganna i.

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.

1 JOHANNES 4:4

Tapi ale dakdanakku, anggo hamu dakdanak ni Debata do. Madung ditaluhon hamu angka panurirang pargabus i, angke gumogoan dope Tondi na adong di hamu sian tondi na adong di angka jolma na ro sian portibi on.