MATEUS 12:26 - BIBEL JAMITA NA DENGGAN

²⁶ Antong, muda dipaisir Sibolis i donganna, jana marsalisi halahi sama halahi, songon dia dehe tarbaen togu harajaanna lakna?

MATEUS 12:26 ပူးပေါင်းရင်းမြစ်များ

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 9:34

Tapi anggo halak Parise songon on do didok halahi, “Kapala ni angka setan do mangalehen kuaso diSia laho paorotkon angka setan i.”

JOHANNES 12:31

Saonnari ma hatihana uhuman portibi on; taluhonon ma raja ni portibi on saonnari.

JOHANNES 14:30

Nada pola bahat be Au mandok hata tu hamu angke madung ro raja ni portibi on. Tapi nada markuaso i tu Au.

JOHANNES 16:11

madung manguhumi Debata, dibaen madung hona uhum parkuaso ni portibi on!

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

KOLOSSE 1:13

Madung dipalua Ia hita sian kuaso ni hagolapan jana dipaimbar Ia hita tu bagasan kuaso ni pangarajaion ni Anak haholonganNia i.

1 JOHANNES 5:19

Taboto do na sian Debata haroroanta, jana sude na satano on di bagasan tangan ni si Parjahat i.

HALUMBAAN 12:9

Diambungkon ma naga i tu ruar! I ma ulok na tobang i na margoar Sibolis sanga Setan, na paoto-otohon sude portibi on. Diambungkon ma ia tu tano on rap dohot sude surusuruannia i.

HALUMBAAN 16:10

Dung i diusehon surusuruan na palimahon i ma isi ni sambongnia i tu habangsa ni binatang i. Gabe manggolap ma sudena harajaan ni binatang i, gabe disarbut halahi ma dilana hara ni na hancitan.

HALUMBAAN 9:11

Adong do rajana na mamarenta halahi, jana rajana i ma na martanggung jawab taringot tu rura hamatean i. Si Abadon ma goarna di hata Ibrani; jana hata Junani didok Apolion (astuanna “Panyego-nyego”).