MATEUS 12:25 - BIBEL JAMITA NA DENGGAN

²⁵ Diboto Jesus do pikiran ni halak Parise i. Gabe didokkon Ia ma tu halahi, “Sanga na harajaan dia pe, nada tarbaen lolot jongjong, muda sai marsalisi do halahi sama halahi. Muda adong sada kota sanga bagas na marsalisi sanga marbadai na sada tu na sada nari gabe masarsar do i.

MATEUS 12:25 ပူးပေါင်းရင်းမြစ်များ

1 RAJA-RAJA 16:21

Masa parbolat-bolatan di bangso Israel, dibaen adong do deba na marpor ni roha anso si Tibni anak ni si Ginat gabe raja, tapi adong muse deba na manghagioti anso si Omri gabe raja.

MASMUR 139:2

Diboto Ho do sude pambaenanku; sian na dao diboto Ho do pikiranku.

JESAYA 9:21

Marsiporangan ma halak Manase dohot halak Efraim, jana rap mamorangi ma i tu Juda. Tapi laing muruk dope Tuhan jana sai giot manguhumi.

JEREMIA 17:10

Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”

AMOS 4:13

Dolok dohot alogo, Tuhan do manompasa; dipabotohon Ia do sangkapNia tu jolma manusia. Diuba Ia do arian gabe borngin, jana di puncu ni angka dolok Ia mardalani. Tuhan, Debata Na Markuaso, i do goarNia.

MATEUS 9:4

Diboto Jesus do na nipikiran ni halahi i gabe didok Ia ma, “Biasi he dipikiri hamu na jat di bagasan rohamunu lakna?

MARKUS 2:8

Manigor diboto Jesus do pikiran ni halahi i. Didok Ia ma tu halahi, “Biasi songon i pikiranmunu?

JOHANNES 21:17

Patolu-nolihon laing disapai Jesus dope tusia, “O Simon anak ni si Jona. Holong do rohamu mida Au?” ning Ia. Gabe marsak ma si Petrus hara ni na nisapaan ni Jesus i ia jabat tolu noli di na nidok ni Jesus, “Holong dehe rohamu mida Au?” Tapi laing dialusi si Petrus ma, “O Tuhan diboto Ho do Tuhan sasudena. Diboto Ho do Tuhan na holong rohangku mida Ho!” Dung i didok Jesus ma tusia, “Antong parmahani ma angka biri-biringKi.

1 KORINTUS 2:11

Angke anggo na umboto sanga aha na di bagasan roha ni sada-sada halak, laing tondinia i sandiri do. Laing songon i do Debata. Anggo na umboto sanga aha na di bagasan roha ni Debata, Tondi Ni Debata sandiri do!

GALATIA 5:15

Tapi muda marsisarbutan jana marsipanganan hamu sama hamu, jago ma hamu anso ulang marsipasudean.

IBRANI 4:13

Umpe sada sian na nitompa i na buni, na so niida ni Debata. Talak do sudena jana patar di joloNia. Jana angkon lehenonta do tuSia partanggungjawabanta.

HALUMBAAN 16:19

Dung i mabola ma kota na godang i gabe tolu bagian; jana marrumpahan ma angka kota ni halak na so mananda Debata. Jadi gabe taringot ma Debata tu kota Babel na godang i, giot lehenon ma tusia panginuman na gok anggur haririmas dohot hamumurukNia.

HALUMBAAN 2:23

Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.