MATEUS 12:22 - BIBEL JAMITA NA DENGGAN

²² Dung i adong ma halak na maroban sahalak na mapitung boti na ngungu muse tu Jesus. Na hona setan do bayo i. Dipamalum Jesus ma ia gabe tarbaen ma mangkatai jana marnida mangulahi.

MATEUS 12:22 ပူးပေါင်းရင်းမြစ်များ

MASMUR 51:15

Urupi ma au mandok hata, ale Tuhan, jadi gabe pujionku ma Ho.

JESAYA 29:18

Muda tarjadi songon i, begeon ni na maingol ma buku na nisise gogo, jana marnida ma na mapitung na malua sian bagasan hagolapan.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MARKUS 3:11

Angka halak na hona setan pe muda marsuo dohot Ia, angkon manigor manungkap marsomba-somba di joloNia mangangguhi, “Anak Ni Debata do Ho!” ninna be.

BAENON NI ANGKA RASUL 26:18

mangungkap parnidaan ni halahi anso morot halahi sian hagolapan jana masuk tu na torang; anso malua halahi sian gomgoman ni Sibolis gabe dirajai Debata halahi. Jadi dung porsaya halahi tu Au, niampunan ma sude dosa ni halahi jana gabe anggota na tarpili ma halahi songon halak ni Debata.’ ”

2 TESSALONIKA 2:9

Sian parkarejoan ni Sibolis, tarida ma Jolma Na Jahat i di bagasan kuasonia na godang. Baenonnia ma angka tanda hahomangan marragam rupa dohot angka pangalaho na luar biasa mardongan sipaoto-oto.