MATEUS 12:17 - BIBEL JAMITA NA DENGGAN

¹⁷ Jadi tulus ma na nidok ni Debata marhite Panurirang Jesaya, na mandok,

MATEUS 12:17 ပူးပေါင်းရင်းမြစ်များ

JESAYA 42:9

Angka na disurirangkon humani madung tarjadi, saonnari na imbaru noma sipaboaonKu tu hamu haru pe nada tarjadi dope i.”

JESAYA 44:26

Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.

MATEUS 12:16

Tapi dilarang Ia ma, anso ulang dipaboa-boa halahi sanga na tu ise taringot tu sude na nibaenNia i.

MATEUS 12:18

“Ligi ma suruanKu na Hutodo i, haholongan ni roha na pajopkon rohangKu. TuSia ma lehenonKu tondingKu, dung i jamitahononNia ma tona tu angka bangso.

MATEUS 13:35

Jadi hara ni na songon i, tulus ma tarjadi hata ni panurirang, na mandok songon on, “Marumpama do Au muda mangkatai dohot halahi; giot paboaonKu angka pangalaho na so habotoan dope mamungka sian hajajadi ni portibi on.”

MATEUS 21:4

Umbaen na songon i pe i, anso laing tulus do na nidok ni panurirang, na mandok songon on,

MATEUS 8:17

Di na nibaen ni Jesus sudena i gabe hasongtian ma na nidok ni Panurirang Jesaya na mandok songon on, “Diporsan Ia do sude pardangolanta, dipamalum Ia do sude nyaenta.”

LUKAS 21:22

Angke anggo angka ari i, i ma, ‘Angka ari pamaloson.’ Jadi di na songon i ma tulus sanga aha na dung tarsurat di Buku Na Badia i.

LUKAS 24:44

Dung i mandok hata ma Ia tu halahi ning Ia ma, “Angka on ma na Hupaboa hian di hamu, dompak rap dope Au dohot hamu, angkon tarjadi do sudena sanga aha na tarsurat taringot tu Au di angka Buku Ni si Musa dohot buku ni angka panurirang dohot Masmur i.”

JOHANNES 10:35

Jana sude hita rap taoku do anggo na tarsurat di Buku Na Badia i, nada tarbaen sundat i. Antong anggo songon i, muda tu angka na manjagit hata ni Debata i, digoari Debata sandiri halahi angka debata,

JOHANNES 12:38

Jadi di na songon i tarjadi ma na didok ni Panurirang Jesaya. Songon on ma pandoknia, “O ale Tuhan, ise ma he na porsaya tu jamitanami? Tu ise dope patidahonon kuaso ni Tuhan?”

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

BAENON NI ANGKA RASUL 13:27

angke na so pamotoan ni halak Jerusalem dohot angka pamimpin ni halahi, hapengani Ia do Jesus i. Na so mangarti do halahi na tarsurat di pangajaran ni angka panurirang haru pe disise halahi i ganop Ari Sabat, gabe diuhumi halahi ma Jesus. Tapi hara ni na nibaen ni halahi songon i gabe tulus ma na nidok ni angka panurirang hian.