MATEUS 12:15 - BIBEL JAMITA NA DENGGAN

¹⁵ Diboto Jesus do na jahat roha ni halak Parise i maradopkon Ia. Dipamalum Ia ma sanga ise sian halahi na marnyae.

MATEUS 12:15 ပူးပေါင်းရင်းမြစ်များ

MATEUS 10:23

Muda diparkanciti halahi hamu di sada kota kehe ma hamu tu kota na asing. Hupaboa hian ma di hamu: Inda sidung dope tohapmunu dikarejohon hamu di sude kota na adong di Israel, hape ma ro Anak Ni Jolma i.

MATEUS 19:2

Bahat do halak mangihutkon Ia. Dipamalum Ia do sude halahi disi.

MARKUS 6:56

Sanga na tu dia pe Ia kehe, tu angka kota, angka huta, sai marroan do halak marobani angka na marnyae. Gomos ma dipangido halahi anso dipatola Ia angka na marnyae i, hum manjama rambu ni baju ni Jesus. Jadi sude na manjama i, malum do.

LUKAS 5:22

Diboto Jesus do na di bagasan roha ni halahi. Gabe ning Ia ma, “Aha dehe dipikiri hamu di bagasan rohamunu?

LUKAS 6:12

Jadi manangkok ma Jesus hatiha i tu sada dolok laho martangiang. Martangiang ma Ia saborngin i tu Debata.

LUKAS 9:11

Jadi di na tarboto pangalaho i di halak na bahat, diihutkon halahi ma Jesus. Dijagit Jesus ma halahi, lalu dihobarkon Ia ma taringot tu Harajaan Ni Debata tu halahi. Laing dipamalum Ia muse dope angka halak na marnyae.

JOHANNES 11:54

Hara ni i nada be mardalani Jesus torang di jolo ni halak Jahudi. Ditadingkon Ia ma Judea, kehe ma Ia tu kota na margoar Efraim na donok tu halongonan. Disi ma Ia tinggal rap dohot angka siseanNia i.

JOHANNES 7:1

Dung i mardalani ma Jesus di Galilea. Nada ra Ia anggo tu Judea hara ni angka parkuaso ni halak Jahudi na disi, na sai manjalahi dalan giot mamunu Ia.

JOHANNES 9:4

Salolot torang dope ari, angkon pupuonta do mangkarejohon karejo ni na marsuru Au. Angke potang ne ma ari jana nada tarbaen sanga ise be markarejo dung di hatiha i.

GALATIA 6:9

Hara ni i, ulang ma loja hita mambaen angka na denggan; angke muda inda marnaloja hita mambaen angka pangalaho na songon i angkon sabionta do suha ni i di hadudumpang ni hatihana.

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.