Tapi nada pola sadia gomos di bagasan roha ni halahi, gabe inda sadia honok tahan. Muda ro hasusaan dohot pangayak-ayahan hara ni jamita i, manigor marbalik ma halahi.
Marjaya do portibi on hara ni angka pangalaho na di bagasanna, i ma na mambaen halak gabe mardosa. Tutu angkon sai tongtong do adong na songon i. Tapi marjaya ma halak na gabe parbonciranna!
Dipaboa Jesus ma tu angka anak siseanNia i, “Borngin on mandao be ma hamu sude, tinggalkononmunu ma Au. Harana tarsurat do di Buku Na Badia i, ‘BunuonKu ma parmahan i gabe marserak ma sude pahan-pahanan.’
Muda mardosa ho hara ni matamu siamun i, pulsikkon ma i anso ambungkon! Gumonan do mago deba parkokas ni pamatangmi ulang pado sudena niambungkon tu narako.
Na he tukang hayu do Ia, i ma anak ni si Maria i? Angka si Jakobus, si Joses, si Judas dohot si Simon na he anggiNia do i? Jana nada he rap dohot hita do angka ibotoNia i?” Hara ni i ma umbaen na so ra halahi manjagit Ia.
Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,
Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.
Salaho tu au hamu ale angka dongan! Biasi sai gabe diayak-ayak au, muda laing hujamitahon na porlu dope paraturan ni sunat i? Angke muda hujamitahon dope songon i, tontu nada pola sihagigian be jamita taringot tu silang ni Kristus i.
