MATEUS 11:5 - BIBEL JAMITA NA DENGGAN

⁵ Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 11:5 ပူးပေါင်းရင်းမြစ်များ

2 RAJA-RAJA 5:14

Jadi kehe ma si Naaman tu Batang aek Jordan, masuk ma ia markonong tu bagasan aek i pitu noli songon na nidok ni si Elisa i. Gabe malum ma si Naaman; torkis ma pamatangnia i mulak songon dia ma pamatang ni doli-doli.

2 RAJA-RAJA 5:7

Di na nisise ni raja Israel i surat i, disibak-sibak ia ma pakeannia jana didok ia ma, “Hara ni aha dehe umbaen na dipangido ni raja Siria i au pamalumkon bayo on? Nada Debata au na markuaso pangoluhon sanga mamatehon jolma! Pasti na manjalak-jalahi bonsir do raja ni Siria i anso martangkangi dohot au!”

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

MASMUR 22:26

Marmanganan ma halak na pogos lopus butongan, halak na manjalahi Tuhan, pujionna ma Ia. Sai anggiat ma halahi tongtong sonang ro di salolot-lolotna.

HARURUAR 4:11

Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

JESAYA 29:18

Muda tarjadi songon i, begeon ni na maingol ma buku na nisise gogo, jana marnida ma na mapitung na malua sian bagasan hagolapan.

JESAYA 29:19

Angka halak na pogos jana na lebak hilalaonna ma hatuaan na nilehen ni Tuhan, Debata Na Badia ni Israel.

JESAYA 43:8

“Pio hamu ma bangsongKi laho marparkaro; haru marmata halahi, mapitung do, jana haru pe marpinggol tapi maingol do.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

ZAKARIA 11:7

Diupai angka toke biri-biri do au laho marmahan angka biri-biri na giot sambolon. Adong do dua tungkotku; sada hugoari “Habasaon” jana na sada nari hugoari “Ihot-ihot”. Dung i hupungka ma manjago dohot pauli-ulihon biri-biri i.

MATEUS 10:8

Pamalum hamu ma angka na marnyae. Pangolu hamu ma angka na mate. Paias hamu ma angka na puruon. Paorot hamu ma angka na hona setan. Sude kuaso i inda na nigararan umbaen na nijagitmunu i. Jadi laing songon i ma, lehen hamu ma i, ulang pola pangido hamu gararna.

MATEUS 11:4

Dialusi Jesus ma, “Mulak ma hamu, paboa hamu ma tu si Johannes sude na nibege dohot na niidamunu.

MATEUS 12:13

Dung i didok Jesus ma tu partangan na mate sabariba i, “Pahortang ma tanganmi.” Jadi dipahortang ia ma antong! Gabe malum ma manigor, sarupa dohot tangannia na sabariba nari.

MATEUS 21:14

Marroan ma angka na mapitung dohot na onyangon tu jolo ni Jesus di Bagas Ni Debata i. Sude halahi dipamalum Jesus.

MATEUS 5:3

“Martua ma angka na dangol di tondina, dibaen di halahi do Harajaan Ni Banua Ginjang!

MATEUS 9:30

Gabe marnida ma mata ni halahi. Jadi dipaingot ma halahi, tangkas digogohon Ia anso ulang dipaboa-boa halahi pangalaho i sanga na tu ise pe.

MARKUS 7:37

Sude halak na mambege carito i gabe homang-homang. Ninna halahi ma, “Na hebat ma sude na nibaenNia i! Tarbaen Ia marbinege na maingol, na haldang gabe mangkobari!”

MARKUS 9:25

Dung diida Jesus, ma mamungka mur ribur halak, dipaorot Ia ma setan i haruar. Ning Ia ma, “Ho tondi na mambaen maingol jana na mambaen ngungu, Hudok tu ho, haruar ma ho sian dakdanak on, ulang be masuk ho tusia sanga andigan!”

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

JOHANNES 10:25

Dialusi Jesus ma, “Madung Hudok di hamu, hape laing nada porsaya hamu. Sude angka karejo na Hukarejohon markite-hite goar ni Damang do i, angka karejongKi ma na manyaksihon taringot tu Au.

JOHANNES 10:38

Tapi muda Hukarejohon karejo ni Damang, haru pe nada porsaya hamu tu Au, saotik-otikna angkon haporsayaanmunu ma nian na Hubaen i, anso diboto jana diastui hamu na sada do Damang dohot Au, jana Au sada dohot Damang.”

JOHANNES 2:23

Hatiha di Jerusalem Jesus di Pesta Paskah i, bahat do halak na porsaya dung diida halahi angka hahomangan na nibaenNia.

JOHANNES 3:2

Di sada borngin ro ma ia mandapotkon Jesus jana didok ia ma, “Gurunami, hami boto do Guru na nisuruhon ni Debata ho. Angke nada adong halak na bisa mambaen angka hahomangan songon na nibaenMi, anggo so didongani Debata do ia.”

JOHANNES 5:36

Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

JOHANNES 9:7

jana didok Jesus ma tusia, “Kehe ma ho marsuap tu tobat Siloam.” (Siloam astuanna “Na nisuru”.) Jadi kehe ma bayo i marsuap paiaskon bohinia. Di na mulak ia marnida ma matania i.

BAENON NI ANGKA RASUL 2:22

“Hamu angka halak Israel, tangihon hamu ma hata on: Na humaksud i ma Jesus na sian Nasaret, na dung ditontuhon ni Debata markite-hite hagogoan dohot hahomangan dohot tanda na binaen ni Debata markite-hite Ia di tonga-tongamunu, songon na dung tangkas diboto hamu.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.