MATEUS 11:30 - BIBEL JAMITA NA DENGGAN

³⁰ Angke na pasonangkon do hudahudangKu, jana nayang do boban na Hupaboankon tu hamu.”

MATEUS 11:30 ပူးပေါင်းရင်းမြစ်များ

PODA 3:17

Sonang jana maduma do ngolumu baenon ni habisuhon.

MIKA 6:8

Nada! Madung dipaboa Tuhan tu hita sanga aha na denggan. Anggo na nipangido ni rohaNia sian hita, i ma anso tigor pambaenanta, tadalankon ma holong ni roha, jana mangoku di bagasan toruk ni roha di jolo ni Debatanta.

MATEUS 12:1

Topet di Ari Sabat mamolus ma sanoli Jesus di ladang gandum. Malean ma angka anak siseanNia i. Digotili halahi ma burir ni gandumi, lalu diguguti halahi ma i.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

BAENON NI ANGKA RASUL 15:10

Antong, hara ni aha dehe umbaen na diujimunu Debata saonnari markite-hite na mangalehen boban na dokdok tu angka sisean on, hape salang angka ompunta i pe dohot hita sandiri so tolap padalankon i?

BAENON NI ANGKA RASUL 15:28

Madung tumbuk di roha ni Tondi Parbadia – jana i do na hami ihutkon anso ulang be nilehen boban na dumokdok sian boban na umporlu on:

2 KORINTUS 4:17

Jana anggo hasusaan na so sadia on na hami taon santongkin, lehenon ni i do di hami hasangapan na so tarsuhat jana na manongtong. Dao dope gumodang hasangapan i sugari nipartimbangkon tu hasusaan i sandiri.

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.

GALATIA 5:18

Tapi muda Tondi Parbadia do manogu hamu, tontu inda dirajai Tona be hamu.

PILIPPI 4:13

Markite-hite kuaso na nilehen ni Kristus i tu au, taradopi au do sude ragam-ragam ni angka na masa.

1 JOHANNES 5:3

Angke muda nidok mangkaholongi Debata, na mangoloi angka tonaNia do astuan ni i. Jana nada pola borat di hita angka tonaNia i,