MATEUS 11:28 - BIBEL JAMITA NA DENGGAN

²⁸ “Ro ma hamu tu Au, sude hamu na loja jana na sorat bobanna, Hupasonang pe hamu!

MATEUS 11:28 ပူးပေါင်းရင်းမြစ်များ

JOB 14:1

Mamungka sorang jolma gale so margogo; pendek ngoluna sai mardamoro.

JOB 5:7

Nada! Tapi sian jolma sajo do, na mangalapi tu dirina hamamagona, na songon gurasa na mamuretek sian apina.

MASMUR 116:7

Sonang ma ho, ale rohangku, angke burju do Tuhan tu au.

MASMUR 32:4

Diuhumi Ho do au ale Tuhan, arian na borngin, merus gogongku songon aek na maruas dibaen las ni ari.

MASMUR 38:4

Mogap-ogap do au di bagasan pangalantap ni hasalaanku, maborattu boban ni dosangku tanggungonku.

MASMUR 94:13

Dipasonang Ho do ia di angka ari hasusaan, lopus madabu halak parjahat tu bagasan lubang.

PARJAMITA 1:14

Madung huida sude na masa di tano on. Pos ma rohamu, magopo do sudena i, tarsongon karejo na manangkup angin.

PARJAMITA 1:8

Sude do paloja roha jana nada tarhatahon loja ni roha i. Nada marnabutong matanta i manatap; pinggolta i nada marnapuas manangihon.

PARJAMITA 4:8

Adong do halak na mamunjung ngoluna so mardakdanak, sanga pe marhahanggi. Haru songon i pe, laing marsitutu do ia karejo jana rohania pe nada jungada sonang dibaen artania. Na giot di ise dehe ia maridi hodok dohot na manulak sude hasonangan? I pe laing magopo do, jana i ma sada parngoluon na mardangol.

JESAYA 1:4

Marjaya ma hamu bangso pardosa, angka halak na so ture jana na jahat pomparan ni angka parjahat, angka dakdanak na marparange na jat! Ditulak jana ditinggalkon halahi do Tuhan Na Sun Badia i, Debata ni Israel, jana manghudukkon Ia.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 28:12

Ditawarkon Ia do ari paradianan dohot jop ni roha tu hamu sude. Hape hamu do na so ra manangihon.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JEREMIA 31:25

Angka na loja sian halahi giot pargogoanKu, jana pabutongonKu angka na garse hara ni na tangkuraparon.

JEREMIA 35:16

Pomparan ni si Jonadab patu do mangoloi parenta ni ompu na umporpar halahi, hape anggo hamu nada ra mangoloi tu Au.

JEREMIA 6:16

Didok Tuhan ma tu bangsoNia, “Jongjong ma hamu di angka sirpang ni dalan, jana tangkas pamanat hamu! Sapai hamu ma angka dalan narobi, jana dia na dumenggan sian i. Ihutkon hamu ma dalan i, anso sonang hamu di ngolu on.” Hape didok halahi do, “Nada ra hami mangihutkon dalan i!”

MATEUS 11:29

Ihutkon hamu ma na Hudok, marsiajar ma hamu tu Au! Angke na lambok do Au jana na serep marroha, jadi togar ma tondimunu.

MATEUS 23:4

Angka karejo na maol-maol do disuru halahi baenon. Disuru halahi ma halak na asing mangoloi parenta ni halahi na borat-borat, hape halahi sandiri inda dohot padalankonsa.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.

BAENON NI ANGKA RASUL 15:10

Antong, hara ni aha dehe umbaen na diujimunu Debata saonnari markite-hite na mangalehen boban na dokdok tu angka sisean on, hape salang angka ompunta i pe dohot hita sandiri so tolap padalankon i?

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

GALATIA 5:1

Saonnari madung bebas hita, hara ni na dung dipalua Kristus hita! Hara ni i partahankon hamu ma habebasonmunu i jana ulang be ra hamu mangulahi diparhatoban.

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!