MATEUS 11:22 - BIBEL JAMITA NA DENGGAN

²² Tapi Hudok ma tu hamu, ‘Numayang do uhuman na tu kota Tirus dohot Sidon di ari panguhuman i, ulang pado tu hamu!’

MATEUS 11:22 ပူးပေါင်းရင်းမြစ်များ

JEREMIA 27:3

Dung i disuru Tuhan Na Markuaso i, Debata ni Israel ma au palaluhon tonaNia tu angka raja ni Edom, Moab, Amon, Tirus dohot Sidon, marhite angka suruan ni halahi na ro tu Jerusalem manopot Raja Zedekia. On ma tona ni Tuhan i,

JEHESKIEL 29:18

“Ale jolma parsantongkinan, ro do Raja Nebukadnesar sian Babel mamungka porang tu Tirus. Disuru ia, angka parajurit mamorsan boban na lobi dokdok, jabat gabe palpalon ulu ni halahi jana helpat abara ni halahi, hape umpe bagia aha dapot raja i bope tentarania i sian haloloja na songon i.

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

MATEUS 10:15

Satutuna ma na hudok on! “Numayang do taonon ni isi ni tano Sodom dohot Gomora di ari panguhuman i, ulang kota na songon i!”

MATEUS 11:21

“Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 11:24

Tapi Hudok ma tu hamu, ‘Numayang do uhuman na tu tano Sodom di ari panguhuman i, ulang pado tu ho!’ ”

MATEUS 12:36

Tapi Hudok ma tu hamu, Angkon dialusi halak i do sogot di ari panguhuman i taringot tu sude hata na so hasaya, na ruar sian pamangan ni halahi.

LUKAS 10:14

Tapi umnayang do uhum na tu Tirus dohot Sidon di ari parpudi ulang pado tu hamu.

IBRANI 2:3

songon dia ma he tarbaen hita malua, anggo so taparrohahon do haluaan na songon i godangna? Tuhan i do na mangkatahonna di mulana i, jana na nioban dohot dipatontu tu hita markite-hite angka na umbegena.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.

1 JOHANNES 4:17

Sanggam do holong ni roha i dipatupa di bagasan dirinta anso marpos ni roha hita di Ari Paruhuman i, harana tudos songon Ia, hita pe di portibi on do.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.