MATEUS 11:21 - BIBEL JAMITA NA DENGGAN

²¹ “Marjaya situtu ma ho Khorasim, marjaya ma dohot ho ale Betsaida. Sugari di halak Tirus dohot Sidon dibaen tanda hahomangan na nibaen di tonga-tongamunu, ma pola markutondo halahi marsak, marsibaen sirabun tu pamatangna be pataridahon na dung muba roha ni halahi sian angka dosana.

MATEUS 11:21 ပူးပေါင်းရင်းမြစ်များ

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

JEREMIA 13:27

Madung Huida hamu patupahon angka pangalaho na Huhagigihon. Huida do hamu markarosuan jana manggampang di angka dolok dohot di angka ladang. Marjaya ma hamu halak Jerusalem! Andigan pe hamu giot malua sian sandok hajahatan?”

JOEL 3:4

Na giot bia do baenonmu Au, ale Tirus, Sidon, dohot sandok Luat Pilistin? Na giot palalu hosom dehe ho tu Au? Jagit ma pamalosonKu na tompu harorona muda dibaen ho na songon i.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

MATEUS 11:22

Tapi Hudok ma tu hamu, ‘Numayang do uhuman na tu kota Tirus dohot Sidon di ari panguhuman i, ulang pado tu hamu!’

MATEUS 15:21

Sian i kehe ma Jesus tu luat na marbalokkon kota Tirus dohot Sidon.

MATEUS 18:7

Marjaya do portibi on hara ni angka pangalaho na di bagasanna, i ma na mambaen halak gabe mardosa. Tutu angkon sai tongtong do adong na songon i. Tapi marjaya ma halak na gabe parbonciranna!

MATEUS 26:24

Tutu nian, angkon kehe do Anak Ni Jolma i songon na dung tarsurat hian di Buku Na Badia i paboa na angkon mate Ia. Tapi marjaya ma halakna i na manghianat tu Anak Ni Jolma i! Sugari gumonan hian do indangkon sai jungada ia sorang!”

MARKUS 3:8

Bahat muse do na ro sian Judea, sian Jerusalem, sian Luat Idumea dohot angka na sian ipar ni Batang aek Jordan dohot sian kota Tirus dohot Sidon. Marroan ma halahi tu Jesus hara ni na dung dibege halahi sude taringot tu angka pambaenanNia.

MARKUS 6:45

Diompoti Jesus ma marsuru angka anak siseanNia i kehe marparau parjolo sian Ia tu Betsaida na di ipar ni dano i, jana disuru Ia ma halak na bahat i marmulahan.

MARKUS 7:24

Dung ditinggalkon Jesus inganan i, kehe ma Ia tu luat na donok tu kota Tirus. Masuk ma Ia tu sada bagas. Tapi inda por rohaNia diboto halak, na disi Ia. Tapi bagi na bia pe inda tarbaen Ia manabunihon diriNia tu halak.

MARKUS 7:31

Dung i ditinggalkon Jesus ma Luat Tirus mangulahi, dipatorus Ia ma pardalananNia sian Sidon laho tu Dano Galilea. Mangaliati ma Ia sian Luat Sisampulu Kota.

MARKUS 8:22

Lalu ma halahi tu Betsaida. Dioban halak ma disi sahalak na mapitung tu Jesus. Dipangidohon halahi ma anso dijama Ia nian na mapitung i.

LUKAS 4:26

Haru pe songon i nada disuru Debata si Elia tu sada sian angka na mabalu i. Hum tu sahalak na mabalu di kota Sarfat na di Luat Sidon i sajo do disuru Debata si Elia.

LUKAS 6:17

Dung i manuat ma Jesus sian dolok i rap dohot angka rasul i, maradian ma halahi jongjong di sada inganan na hornop. Adong muse do disi angka anak siseanNia na asing songon i muse angka halak na marroan sian Judea, sian Jerusalem dohot na sian Tirus dohot Sidon dohot sian angka kota na di topi laut.

LUKAS 9:10

Mulak ma angka rasul ni Jesus i jana dicaritohon halahi ma tu Jesus sude na dung dikarejohon halahi. Dung i dioban Jesus ma halahi tu sada kota na margoar Betsaida.

JOHANNES 1:44

Sian Betsaida do asal ni si Pilipus, i ma kota ni si Andreas dohot si Petrus.)

JOHANNES 12:21

Ditopot halahi ma si Pilipus, ninna halahi ma, “Anggo tarbaen do sugari, por do rohanami marsuo dohot Jesus.” (Sian Betsaida na di Galilea do anggo asal ni si Pilipus.)

BAENON NI ANGKA RASUL 12:20

Muruk sajo ma roha ni Raja Herodes mida halak Tirus dohot halak Sidon. Jadi rap kehe ma halahi mangadop tu Raja Herodes. Jolo dielek halahi ma si Blastus kapala ni bagas godang ni raja i, anso mamihak tu halahi ia. Dung i kehe ma halahi mangadop tu si Herodes mangidohon anso mardame, angke sian harajaan ni Raja Herodes do haroroan ni panganon tu luat ni halahi.

BAENON NI ANGKA RASUL 27:3

Ancogotna i lalu ma hami di Sidon. Denggan sajo do roha ni perwira Julius i tu si Paulus. Dipaloas ia do si Paulus kehe mandapotkon angka donganna anso tarlehen halahi sanga aha na porlu disia.

JUDAS 1:11

Marjaya ma halahi! Dalan ni si Kain do na nibolus ni halahi. Anso dapotan upa, gabe didohoti halahi do angka hasalaan songon na nibaen ni si Bileam. Jana mago do halahi hara ni na manggaori songon na nibaen ni si Kora.

HALUMBAAN 11:3

SuruhononKu ma dua halak sangsingKu anso manyurirangi jana marpakean arsak ni roha, salolot saribu dua ratus onompulu ari.”

HALUMBAAN 6:12

Dung i huida ma dibuka Anak Ni Biri-biri i cap na paonomkon. Ro ma lalo na gogo situtu. Mangalomlom ma mataniari songon goni jana bulan pe gabe rara ma songon mudar.