MATEUS 11:18 - BIBEL JAMITA NA DENGGAN

¹⁸ Ro ma si Johannes – nada mangan, nada minum ia, hape didok halak ia ‘na hona setan!’

MATEUS 11:18 ပူးပေါင်းရင်းမြစ်များ

2 RAJA-RAJA 9:11

Didapotkon si Jehu ma mangulahi angka dongannia i; disapai halahi ma tusia, “Aha do barita? Na giot mahua do na rintik i ro tu ho?” “Diboto hamu do sanga aha giotnia,” ning si Jehu mangalusi.

JEREMIA 15:17

Sai giot oloanku do Ho, jadi hara ni i nada hupasayang hatihangku dohot-dohotan martata-tata jana margonjak-gonjak rap dohot angka jolma, tapi mamunjung do au mardongan pangkilalaan na muruk.

JEREMIA 29:26

“Madung diangkat Tuhan ho gabe malim manggontihon si Joyada, jana ho noma saonnari na gumincat pangkatna di Bagas Ni Tuhan. On do karejomu: Mamarentahon anso dibaen rante bosi tu rungkung ni sandok halak na rintik na mandok dirina panurirang.

HOSEA 9:7

Madung dapot ari panguhuman, hatiha pamaloson tu sandok parbuatan. Taonon ni Israel noma i! Didok hamu, “Na oto do panurirang on. Na rintik do jolma na nirajaan ni tondi on!” Didok hamu pe songon i hara ni gigina do rohamunu tu Au jana dosamunu santak godangna.

MATEUS 10:25

Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

MATEUS 11:17

‘Madung martulila hami di hamu, tapi nada ra hamu manortor! Madung mangandungi hami, hape nada ra tangis hamu!’

MATEUS 3:4

Sian imbulu ni unto do dibaen pakean na nipake ni si Johannes on. Bobatnia sian bobak. Siapor dohot aer ni loba do panganonnia.

MATEUS 9:34

Tapi anggo halak Parise songon on do didok halahi, “Kapala ni angka setan do mangalehen kuaso diSia laho paorotkon angka setan i.”

MARKUS 3:22

Didok angka Siboto Surat na sian Jerusalem i ma, “Na susur do sibolis tuSia!” Adong muse na mandok, “Kapala ni setan i do na mangalehen kuaso tuSia laho mangusir setan i.”

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

JOHANNES 10:20

Bahat na mandok, “Na sibolison do i! Na rintik do i! Biasi dipatangi-tangi hamu i?” ning halahi.

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

BAENON NI ANGKA RASUL 26:24

Jadi taran na pajojorkon pambelaan i dope si Paulus manggora ma si Pestus, “Madung rintik ho Paulus! Parbinotoanmu na bahat i do mambaen ho rintik!” ning ia.

1 KORINTUS 9:27

Hupadiar do pamatangki dilatik sagogona lopus tarrajai au sudena i. Hubaen pe songon i, anso ulang sanga do tarderet au, dung husosoi halak na asing dohot di parlumbaan i.