MATEUS 11:14 - BIBEL JAMITA NA DENGGAN

¹⁴ Jadi muda giot porsaya do hamu di sude barita ni halahi i, angkon botoonmunu do, ia ma si Elia na giot ro i.

MATEUS 11:14 ပူးပေါင်းရင်းမြစ်များ

JEHESKIEL 2:5

sanga na ra do halahi manangihon sanga nada; na porlu, angkon botoon ni halahi do, bahaso na adong do panurirang di tonga-tonga ni halahi.”

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

MATEUS 11:13

Sude Tona na nilehen ni si Musa dohot angka panurirang sian narobi lalu tu haroro ni si Johannes, sudena i na paboahon taringot tu angka na giot tarjadi do.

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

JOHANNES 16:12

Bahat dope nian na giot dokkononKu tu hamu, tapi anggo saonnari nada tuk dope gogomunu laho manjagit i.

1 KORINTUS 3:2

Najolo hum susu dope na tarlehen au di hamu, nada sipanganon na pir; angke nada tuk dope gogomunu manjagit i. Hape lopus saonnari laing so tuk dope gogomunu manjagit i,

HALUMBAAN 20:4

Dung i huida ma angka habangsa dohot angka halak na juguk di habangsa i; dilehen ma kuaso tu halahi laho mandabu uhuman. Huida muse dope angka tondi ni halak na hona ponggol uluna hara ni hasaksian taringot tu Jesus dohot hara ni hata ni Debata. Halak on ma na so jungada ra manyomba binatang i bope patungna i. Tanda ni binatang i pe nada jungada dijagit halahi di bohi sanga pe di tangan ni halahi. Gabe mangolu ma halahi mangulahi jana mamarenta ma halahi songon raja rap dohot Kristus di na saribu taon i.