MATEUS 11:11 - BIBEL JAMITA NA DENGGAN

¹¹ Ingot hamu ma! Inda adong be jolma na gumodang di tano on sian si Johannes Pandidi. Tapi haru pe songon i, halak na ummenek di Harajaan Ni Banua Ginjang laing gumodang dope i sian si Johannes.

MATEUS 11:11 ပူးပေါင်းရင်းမြစ်များ

JOB 14:1

Mamungka sorang jolma gale so margogo; pendek ngoluna sai mardamoro.

JOB 14:4

Tarbaen ma he jolma pardosa parohon na sanggam soada hurangna?

JOB 15:14

Tarbaen ma he lakna jolma ias sian sala? Tarpatigor ma he jolma di adopan ni Debata?

JOB 25:4

Tarbaen ma he jolma, denggan di jolo ni Debata? Tarbaen ma halahi pita di parnidaanNia?

MASMUR 51:5

Olo tutu do na jahat au mamungka sorang, dirajai dosa do au mamungka sian bortian.

JESAYA 30:26

Marsinondang ma bulan i songon torang ni mataniari, jana mataniari i tumorang pitu noli sian na somal, songon torang ni pitu ari dipasada. Tarjadi ma sudena i di na ro Tuhan mambalut dohot pamalumkon angka bugang ni bangsoNia na nisambokNia i.

ZAKARIA 12:8

OndihononKu ma di ari i pangisi ni Jerusalem; salang jolma na gumale sian halahi gabe songon gogo ni si Daud. Togu-toguon ni pomparan ni si Daud ma halahi songon SurusuruanKu, olo tutu, songon panogu-noguonKu sandiri.

MATEUS 11:10

Harana taringot tusia adong do tarsurat songon on, ‘On ma suruanKu’ ninna Debata, ‘Parjolo do ia Husuru sian Ho, laho manotas dalanMu.’

MATEUS 11:12

Sian na mamungka si Johannes marjamita lalu tu sadari on, matua dialo halak do Harajaan Ni Banua Ginjang i jana giot manggomgomisa.

MATEUS 3:1

Dompahi, tarida ma si Johannes Pandidi di halongonan na di tano Juda. Disi ma ia mamungka marjamita.

MATEUS 3:11

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

MATEUS 5:19

Hara ni i, sanga ise na mangalanggar sada sian angka Tona i, sanga na ummenekna i pe, dung i diajari ia muse halak na asing mambaen songon i, gabe na ummenek do sisongon i di bagasan Harajaan Ni Banua Ginjang. Tapi sabalikna, sanga ise na padalankon angka aturan i, dung i diajari ia muse halak na asing mambaen songon i, halak na godang do sisongon i di bagasan Harajaan Ni Banua Ginjang.

LUKAS 1:15

Gabe halak na godang do dakdanak i mangihutkon parnidaan ni Tuhan. Nada tola ia minum anggur, sanga siinumon na koras. Mamungka di bortian dope ia, Tondi Parbadia do mangarajai ia.

LUKAS 7:28

“Ingot hamu ma on, sian sude halak na jungada mangolu di tano on, nada adong be na gumodang sian si Johannes Pandidi. Tapi halak na ummenek di bagasan Harajaan Ni Debata, gumodangan dope i sian si Johannes Pandidi.”

LUKAS 9:48

Dung i didok Ia ma tu halahi, “Sanga ise na manjagit dakdanak on hara ni Au, dos do i dohot na manjagit Au. Dung i, sanga ise na manjagit Au, sarupa do i na manjagit na marsuru Au muse. Angke sanga ise na ummenek sian hamu, ia do na gumodang!”

JOHANNES 1:15

Ro do si Johannes gabe saksina, dipaboa ia ma: “On ma da Ia na hudokkon i: Na giot ro do Ia umpudi sian au, tapi na gumodang ulang au, angke dompak so adong dope au, madung adong hian Ia.”

JOHANNES 1:27

Umpudi dope Ia ro ulang au, tapi mangkarhari tali ni sipatuNia pe, nada tama dope au.”

JOHANNES 10:41

Marroan ma bahat halak mandapotkon Ia. Didok halahi ma, “Nada nian mambaen tanda hahomangan si Johannes, tapi tutu do sude na nidok ni si Johannes taringot tu Bayo on.”

JOHANNES 3:30

Ia do na angkon mur pagodangon tapi anggo au angkon mur nipamenek do.”

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

JOHANNES 7:39

Tondi Ni Debata do na nidok ni Jesus disi, i ma na giot sijagiton ni angka na porsaya tuSia. Harana nada podo ro Tondi Parbadia i, hara ni na so dipasangap dope Jesus.)

1 KORINTUS 15:9

Harana au ma lumayas sian sude rasul, jana nada patut au nian margoar rasul, dibaen madung huparkanciti parlagutan ni Debata.

1 KORINTUS 6:4

Antong muda masa angka parkaro na songon i, aduhononmunu dope tu angka jolma na so marjohoman bagi aha di parlagutan i?

EPESUS 2:3

Anggo najolo sarupa hian do hita sudena dohot halahi; mangolu do hita paolo-oloi bako ni hajolmaonta harana sanga aha na pasonangkon pamatangta dohot pikiranta na jahat i, i do na tabaen. Anggo hatiha i, hita pe halak na hona rimas ni Debata muse do, laing songon halak na asing i.

EPESUS 3:8

Sian sudena na margoar halak na porsaya, au ma i tardok na umbile. Hape laing dipasahat Debata do tu au hasurungan on: I ma, anso hujamitahon Jamita Na Denggan on tu angka halak na so Jahudi paboa na adong do bahat sajo sinadongan na so ra abis di Kristus;

2 TIMOTEUS 1:10

Jana saonnari dipatidahon Debata ma denggan ni rohaNia i tu hita sian haroro ni Sipaluanta Kristus Jesus. Ditaluhon Jesus do kuaso ni hamatean jana dilehen Ia ngolu na so ra mantak markite Jamita Na Denggan i.

IBRANI 11:40

angke adong dope sangkap ni Debata na dumenggan salaho tu hita. Angkon rap do dohot hita anso gabe sanggam halahi.

1 PETRUS 1:10

Haluaan on do na nitangkasan dohot na nisihiran ni angka panurirang na paboahon hian taringot tu pasupasu i na giot lehenon ni Debata tu hamu.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.