MATEUS 10:5 - BIBEL JAMITA NA DENGGAN

⁵ Disuruhon Jesus ma rasul na dua bolas halak i dung jolo ditonai Ia halahi songon on, “Ulang kehe hamu tu huta ni halak na asing, dohot tu kota ni halak Samaria.

MATEUS 10:5 ပူးပေါင်းရင်းမြစ်များ

MATEUS 22:3

Disuruhon raja i ma angka naposona laho mangalap angka halak na niontangnia tu horja i. Hape inda ra ro angka na niontangna i.

MATEUS 4:15

“Tano Zebulon dohot Naftali, i ma dalan laho tu laut, di ipar ni Batang aek Jordan, Galilea i ma inganan ni na so halak Jahudi!

MARKUS 6:7

Dipiohon Ia ma anak siseanNia na dua bolas i, disuruhon Ia ma halahi mardua-dua. Dilehen Ia muse ma kuaso di halahi mangusir angka setan.

LUKAS 10:1

Dung i dipili Jesus ma muse pitu pulu halak nari. Disuru Ia ma halahi mardua-dua halak manjoloi Ia tu sude kota dohot inganan na giot topotonNia.

LUKAS 10:33

Tapi adong muse ma sada halak Samaria na mamolus disi. Dung diida ia bayo i gabe ibo ma rohania midasa.

LUKAS 17:16

Dung lalu di jolo ni Jesus, marsomba ma ia mandok tarimakasi tuSia. Halak Samaria do bayo i.

LUKAS 9:1

Dipiohon Jesus ma siseanNia sidua bolas halak i marlagut. Dilehen Ia ma gogo dohot kuaso tu halahi giot mangusir tondi na jahat dohot pamalum nyae.

LUKAS 9:2

Dung i disuru Ia ma halahi anso kehe pasarkon barita taringot tu Harajaan Ni Debata dohot pamalumkon halak na marnyae.

JOHANNES 17:18

Madung disuru Damang Au tu portibi on, laing songon i muse madung Husuru halahi tu portibi on.

JOHANNES 20:21

Dung i didok Jesus ma tu halahi sanoli nari, “Hasonangan ma di hamu! Songon parsuru ni Damang di Au, laing songon i ma hamu Husuru.”

JOHANNES 4:20

“Anggo angka ompunami di dolok on do marsomba, tapi anggo Ho mandok hum di Jerusalem sajo do inganan ni halak marsomba.”

JOHANNES 4:5

Dung di Samaria lalu ma Jesus tu sada kota na margoar Sikhar, nada sadia dao sian tano na nilehen ni si Jakob narobi tu anaknia na margoar si Josep.

JOHANNES 4:9

Dialusi boru Samaria i ma, “Halak Jahudi do Ho hape au halak Samaria do. Biasi mangido minum Ho tu au?” (Harana na so ra do halak Jahudi mardongan dohot halak Samaria.)

JOHANNES 7:35

Dung i didok angka halak Jahudi i ma, “Na giot tudia muse dehe Ia umbaen jabat nada tarbaen hita mandapotkon Ia? Adong he ulaning na giot kehe mandapotkon halak Jahudi na mangaranto di tonga-tonga ni halak Junani i ma Ia jana giot ajaranNia ma angka halak Junani i?

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 10:45

Homang ma roha ni halak Jahudi na dung porsaya i tu Jesus, i ma na rap dohot si Petrus i, na marnida bahaso dilehen Debata do muse Tondi Parbadia tu bangso na asing.

BAENON NI ANGKA RASUL 8:1

Mamungka sian ari i masa ma pangayakayakon na godang di parlagutan na di Jerusalem, jadi marserak ma sude angka na porsaya i, hum angka rasul i noma na tinggal rap. Sarsar ma halahi tu sude Luat Judea dohot tu Samaria bage.

1 TESSALONIKA 2:16

Dilarang halahi muse dope hami manjamitahon barita haluaan i tu angka bangso na asing. Jadi di na songon i, laing dipupu halak Jahudi do patamba-tamba dosana gabe mur martimbun lalu tu langit. Jana ujungna saonnari dondonan ni rimas ni Debata ma halahi!