MATEUS 10:42 - BIBEL JAMITA NA DENGGAN

⁴² Sanga ise na mangalehen minum, hum samangkuk aek ngali pe tu sahalak sian angka na menek on hara ni siihutkon Au halahi, angkon dapotan balos do halahi. Songon i ma satutuna!”

MATEUS 10:42 ပူးပေါင်းရင်းမြစ်များ

1 RAJA-RAJA 17:11

Di na mardalan anak boru i laho mangalap aek i, pio-pio ma si Elia, “Laing laoskon muse ma jolo roti saotik di au.”

2 RAJA-RAJA 4:10

Denggan do muda tabaen sada kamar di tirket parginjang di bagasta on, tapasingkop ma sude podomanna, meja, karosi dohot lampu anso tarbaen ia disi marborngin ganop ro ia manopot hita.”

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 24:14

songon i muse ma dengganna bisuk ni tondimu. Muda marbisuk ho, torang ma ari pangapudianmu.

PARJAMITA 11:1

Danggurkon ma rotimu tu aek, jadi dung lolot dapot ho ma i muse.

ZAKARIA 13:7

Didok Tuhan Na Markuaso i ma, “Jongjong ma ho, ale podang, lancim ma parmahan na Husuru i! Matehon ma ia, gabe marserak ma angka biri-biri i. AloonKu ma bangsongKu.

MATEUS 18:10

“Ingot hamu ma, ulang dipalayas hamu sahalak sian angka na menek on. Harana Hudok ma tu hamu: Adong do surusuruan ni halahi di banua ginjang na sai mangaligi bohi ni Damang na di banua ginjang.” [

MATEUS 18:14

Laing songon i muse ma Amangmunu na di banua ginjang i, nada por rohaNia muda adong na lilu sahalak pe sian angka na menek on.”

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

LUKAS 17:2

Na dumenggan do nitambatkon losung batu tu rungkungna, anso diambungkon tu bagasan laut. Dumenggan ma songon i ulang pado dibaen ia gabe mardosa sahalak sian angka jolma na menek on.

LUKAS 6:35

Anggo sapatutna nada songon i! Anggo hamu angkon suhar-suhar ni i do. Angkon haholonganmunu do musumunu jana baen hamu ma na denggan tu halahi. Angkon lehenonmunu do manginjam jana ulang pola arop rohamunu dapotan garar mangulahi. Godang do dapot hamu upa ni i jana gabe anak ni Debata Na Gumincat i ma hamu. Angke anggo Debata, denggan do dibaen Ia maradopkon angka na so malo mandok tarimakasi, songon i muse laing denggan do dibaen Debata maradopkon halak na jahat.

2 KORINTUS 8:12

Muda ringgas do rohamunu marsilehen-lehen, jagiton ni Debata do silehen-lehenmunu i marguru tu sinadonganmunu, nada marguru tu na soadamunu.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.