MATEUS 10:36 - BIBEL JAMITA NA DENGGAN

³⁶ Jana alo ni halak, i ma donganna sabagas.

MATEUS 10:36 ပူးပေါင်းရင်းမြစ်များ

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

2 SAMUEL 16:11

Dung i didok si Daud dope tu si Abisai dohot tu sude naposonia i, “Salang anakku sandiri giot mamunu au do; biasi pola longang hamu marnida pangalaho ni halak Benyamin on? Tuhan do marsurusa mamurai hara ni i ulang hahua hamu ia jana padiar ma songon i mamurai ia.

MASMUR 41:9

Salang ale-aleniba na umdonok pe antong, halak na mangan rap dohot iba, madung mangalo tu iba.

MASMUR 55:13

Tapi dibaen sian ho do antong, donganku, ale-alengku, dongan ari-ari di au.

JESAYA 19:2

Didok Tuhan, “PamasaonKu ma na marsiporangan di Mesir. Marsibunuan ma na sada tu na asing angka na markahamaranggi, jana na pahombar tu hombarna. Angka kota na maralo, marsiporangan noma jana angka raja-rajana marsibunuan, marsirampasan kuaso ma.

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

JEREMIA 20:10

Tarbege ma halak marhusipi di sude inganan, “Biar noma na marroha-roha! Beta ma hita aduhon ia tu raja!” Salangkan angka ale-alengku sudena paintehon hadadabungku noma. Didok halahi, “Aropku marhite elek-elek, tartaluhon hita do i, anso tarbaen hita palalu hosom tusia.”

MIKA 7:6

Angka anak halaklahi pabilehon amangna, anak dadaboru bangkit mangalo inangna, parumaen mangalo namboruna; marsalisi do halak na sabagas.

MATEUS 10:21

Masa ma disi marsitangkup kahanggina anso dibunu. Laing songon i ma baenon ni ama-ama tu dakdanakna. Dakdanak pe mangalo do tu simatobangna, dipabunuhon angka anakna ma halahi.

JOHANNES 13:8

Didok si Petrus ma, “Ulang Tuhan. Bagi na bia pe nada tola ho mamasu patkon!” Tapi didok Jesus ma tusia, “Anggo so Hubasu do patmon, nada tola be ho gabe siseanKu.”

1 SAMUEL 17:28

Dibege si Eliab angkang ni si Daud siangkaan i do si Daud na manghata i dohot angka parangan i. Gabe muruk ma ia tu si Daud, didok ia ma, “Biasi ro ho tuson? Tu ise dipauruskon ho angka biri-birimi di halongonan? Huboto do na papuluk-pulukkon ho; inda he na giot mangaligi porang ho ro tuson?”