MATEUS 10:34 - BIBEL JAMITA NA DENGGAN

³⁴ “Ulang ninna rohamunu na maroban pardamean Au tu portibi on. Nada pardamean na Huoban, tapi paraloan do.

MATEUS 10:34 ပူးပေါင်းရင်းမြစ်များ

JEREMIA 15:10

Na sial ma da au on! Tu aha do umbaen na ditubuhon dainang au? Angkon martongkar jana martangkangi au dohot sandok jolma na adong di luat on. So jungada au painjamkon sanga manginjam, hape haru songon i pe sude jolma mamurai au.

BAENON NI ANGKA RASUL 14:2

Tapi dijajang halak Jahudi na so ra porsaya i ma angka bangso na asing na so Jahudi i, anso goyak roha ni halahi mida angka na porsaya i tu Jesus.

BAENON NI ANGKA RASUL 14:4

Tapi marsalisi pandapot ma halak kota i na sada tu na asing; adong na mamihak tu halak Jahudi, adong muse na mamihak tu rasul i.

BAENON NI ANGKA RASUL 28:29

Dung didok si Paulus songon i, markehean ma halak Jahudi i sian inganan i martongkari sama-sama halahi.]

HALUMBAAN 6:4

Dung i ruar ma sada nari kudo na asing. Na rara sun do tompa ni kudo i. Dilehen ma kuaso tu na manengget kudo i laho mangagohon hadameon sian portibi on, anso marsimatean jolma i na sada tu na asing. Dilehen muse ma tusia sada podang na godang.

HAKIM-HAKIM 3:2

Dibaen Tuhan pe songon i anggo maksudna na mangajar ganop sundut ni Israel do mananda porang, lumobi halahi na so jungada dohot marporang.