MATEUS 10:33 - BIBEL JAMITA NA DENGGAN

³³ Tapi sanga ise na mamorso Au di jolo ni halak, i ma na so paboahon na mangihutkon Au do ia, Au pe porsoonKu ma ia di jolo ni Damang na di banua ginjang i.”

MATEUS 10:33 ပူးပေါင်းရင်းမြစ်များ

JESAYA 59:13

Madung mardosa hami jana mangalo maradopkon Ho, jana nada ra mangihutkon Ho. Madung hami parkanciti halak na asing jana marbalik hami sian Ho. Nada tutu be pikirannami, jana hatanami pe gabus noma.

MARKUS 14:30

“Tutu do na Hudok on, laing di borngin on painte so tahuak manuk padua nolihon, ma tolu noli diporso ho na so nitandamu Au,” ninna Jesus.

MARKUS 14:72

Martahuak muse ma manuk disi paduanolihon. Diingot si Petrus muse ma na jungada didok Jesus tusia, “Dompak so martahuak manuk paduanolihon dope ma tolu noli didok ho, na so ditanda ho Au.” Dung i kehe ma si Petrus sian i tangis panguncombopon.

MARKUS 8:38

Angke sanga ise na maila hara ni Au dohot hatangKu di tonga-tonga ni halak na so setia dohot pardosa, maila muse ma Anak Ni Jolma i mida ia muda ro Ia di bagasan hasangapan ni AmangNia rap dohot surusuruanNia na badia i.”

LUKAS 12:9

Tapi barang ise na mamorso Au di jolo ni jolma, porsoon do ia di adopan ni angka surusuruan ni Debata.

LUKAS 22:57

Tapi diporso si Petrus do i. Didok ia, “Saotik pe nada hutanda Ia!”

LUKAS 9:26

Muda adong na maila hara ni Au jana maila hara ni pangajaranKu di adopan ni halak na asing, maila muse ma Anak Ni Jolma i mangokui halak sisongon i di haroroNia saulahon mardongan hasangapanNia, jana mardongan hasangapan ni Amangnia, songon i dohot hasangapan ni angka surusuruan na badia!

2 TIMOTEUS 2:12

Muda laing sobar hita, angkon laing mamarenta ma hita rap dohot Ia. Muda tatulak Ia, tulahonNia muse ma hita.

2 PETRUS 2:1

Najolo di tonga-tonga ni bangso ni Debata, ro do angka panurirang pargabus. Laing songon i muse do di tonga-tongamunu, marroan ma angka guru pargabus. Baritahonon ni halahi ma angka pangajaran na so tutu, na pasegohon. Jana diporso halahi do Parkuaso na dung marhancit laho paluahon halahi. Jadi na mangalap magona do halahi disi, na tibu mandondoni halahi sandiri.

1 JOHANNES 2:23

Barang ise na mangoku Anak i, disia muse do Ama i.