MATEUS 10:28 - BIBEL JAMITA NA DENGGAN

²⁸ Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MATEUS 10:28 ပူးပေါင်းရင်းမြစ်များ

2 RAJA-RAJA 17:39

Burju ma oloi hamu Au, Tuhan Debatamu, anso Hupalua hamu sian angka musumunu.”

JOB 37:24

I ma da dalanna anso sude jolma pasangapkon Ia, jana sanga ise na mandok dirina marbisuk, nada be i diterge ia.”

MASMUR 119:120

Humitir do au hara ni na mabiar mida Ho, panyogiton do au maradopkon haputusanMu.

PARJAMITA 5:7

Songon nipi bahat na so adong artina, laing songon i muse ma na so marguna bahat hata-hata. Tapi habiari ma Tuhan.

JESAYA 51:12

“Au, Au ma da na mangapoi hamu. Biasi pola mabiar ho, mida jolma parsantongkinan dohot tu Anak Ni Jolma na diambungkon songon duhut.

JESAYA 51:7

Tangihon ma Au, ale hamu angka na umboto hasintongan, ale bangso na manyimpan pangajaranKu di bagasan rohamu! Ulang mabiar hamu muda dipabile jolma, jana ulang tarsonggot muda diincahi halahi.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

MATEUS 10:26

“Nada adong bagi aha na buni, na so patar muse, nada adong na simo, na so binoto sogot.

MATEUS 25:46

Hara ni i uhumon ma angka halak sisongon i dohot uhuman na manongtong. Hape anggo halak na mambaen lomo ni roha ni Debata mangolu ma halahi jana marjop ni roha dohot Debata.”

MATEUS 5:22

Tapi anggo saonnari Au mandok di hamu, sanga ise na marmilas ni roha tu donganna, angkon diuhumi do; barang ise na mandok tu donganna, ‘Raka’ (artina ‘Si soada’), hona uhum di jolo ni Mahkamah Ugamo; dung i barang ise na mandok tu donganna, ‘Si naoto’, tama ma ia diambungkon tu api naroko.

JOHANNES 5:29

jana haruar ma halahi sian kuburan i. Jana sude halak na mambaen na denggan disungguli ma tu hangoluan. Tapi anggo sibaen na jahat disungguli tu hamatean.”

BAENON NI ANGKA RASUL 21:13

Tapi dialusi ia ma, “Aha ma he gunana martangisan hamu songon on, hum mangarsahi ate-atengku do i. Angke nada hum nirahutan au rade, tapi na rade do au mate di Jerusalem humopkop goar ni Tuhan Jesus.”

IBRANI 10:31

Na jorbut situtu do muda madabu hita tu tangan ni Debata Na Mangolu i!

IBRANI 11:35

Hara ni haporsayaanna gabe dijagit angka dadaboru do angka na matena na mulak mangolu. Tapi adong muse do na mangalehen dirina disiksa lopus mate, jana manjua do halahi nipalua, hara ni na giot maruli halahi di hangongot na dumenggan.

JAKOBUS 4:12

Hape nian, hum sada do na marhak mamarenta jolma dohot manguhumisa. I ma Debata na margogo paluahon dohot pangabiskon. Jadi, ise ma hamu lakna umbaen na jabat ra hamu pasala halak na asing, laing jolma na somal songon hamu.

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.

HALUMBAAN 2:10

Ulang ho mabiar taringot tu na giot taononmu. Ligi ma dabuon ni sibolis ma deba sian hamu tu bagasan hurungan, anso niuji hamu, jana manaon parkancitan ma hamu salolot sampulu ari. Sai bonar ma rohamunu lopus tu hamatean i, dung i lehenonKu ma di ho tuku hangoluan.