MATEUS 10:26 - BIBEL JAMITA NA DENGGAN

²⁶ “Nada adong bagi aha na buni, na so patar muse, nada adong na simo, na so binoto sogot.

MATEUS 10:26 ပူးပေါင်းရင်းမြစ်များ

PODA 10:9

Sonang do halak na burju, tapi tartangkup do halak na jahat.

PODA 28:1

Marlojongi do halak parjahat haru so adong na mangayak, tapi halak na tigor barani do songon singa.

PODA 29:25

Muda jolma do dihabiari ho, na mambaen jorat do ho di dirimu; tapi haposi ma Tuhan, anso dijagohon Ia ho.

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

JESAYA 41:10

Ulang ho mabiar Au do rap dohot ho, Au do Debatamu, ulang heput ho. Hupatogu do ho, Hulehen pangurupion, Huondihon jana Hupalua ho.

JESAYA 41:14

“Ulang ho mabiar ale ulok-ulok ni Jakob, ale halak Israel! Au do pangurupi di ho, ninna Tuhan, jana na manobus ho, i ma Na Sun Badia, Debata ni Israel.

JEREMIA 1:8

Ulang ho mabiar mida halahi, angke sai dongananKu do ho laho mangondihon ho. Au Tuhan, madung mandok songon i!”

JEHESKIEL 2:6

Tapi anggo ho ale jolma parsantongkinan, ulang ho mabiar mida angka jolma pangalo i sanga mida na ni pardokkonan ni halahi. Aloon jana palayason ni halahi do ho, lopus songon na mangolu di tonga-tonga ni duri sanga na tada-tada sanga na di tonga-tonga ni halak ho. Haru pe songon i, ulang ho mabiar.

MATEUS 10:28

Ulang pola mabiar hamu mida halahi sibunu pamatang tapi na so margogo mamunu tondi. Tapi habiari hamu ma Debata na markuaso mamunu pamatang dohot tondi di api narako.

MARKUS 4:22

Nada he paruaron do muse barang na nisimpan? Nada he angkon tarboto do muse sudena rahasia?

LUKAS 24:47

Sada muse, tarsurat hian do angkon nijamitahon do tu sude bangso markite-hite goar ni Kristus i bahaso na giot ampunan ni Debata ma angka dosa muda dipauba jolma i rohana sian angka dosa ni halahi. Jana mamungka ma barita i sian Jerusalem on.

LUKAS 8:17

Angke nada adong bagi aha na buni, na so haidaan muse, jana nada adong na simo na so diboto halak muse, angkon tarboto do i jana dipapatar.

BAENON NI ANGKA RASUL 1:8

Tapi jagitonmunu ma kuaso muda dung ro Tondi Parbadia tu hamu. Jana gabe saksingKu ma hamu di Jerusalem, di sude Luat Judea, di Samaria lopus tu ujung ni tano on.”

BAENON NI ANGKA RASUL 4:13

Homang ma roha ni angka na marlagut i marnida habaranion ni si Petrus dohot si Johannes, jana diboto halahi muse hape halak na somal do rasul na dua i na so pola marsikola. Dung i diboto halahi ma, hape angka na mangihutkon Jesus do rasul na dua i.

BAENON NI ANGKA RASUL 4:19

Tapi dialusi si Petrus dohot si Johannes ma, “Timbang hamu ma jolo sanga dia na tigor di roha ni Debata: mangoloi angka parentamunu do sanga mangoloi parenta ni Debata.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.