MATEUS 10:25 - BIBEL JAMITA NA DENGGAN

²⁵ Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

MATEUS 10:25 ပူးပေါင်းရင်းမြစ်များ

2 RAJA-RAJA 1:2

Sanoli madabu ma si Ahasia raja ni Israel i sian jandela di tirket parginjang na di bagas godangnia i di Samaria, jabat do posi. Jadi disuru ia ma halak manyapai tu si Baal-Zebub debata ni halak Ekron di Pilistin, sanga na malum dope hilalaonnia sanga nada.

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 12:27

Didok hamu, hara ni na nilehen ni kapala ni angka setan i do kuaso di Au umbaen na Huusir setan. Antong anggo songon i, sian ise muse do dapotan kuaso angka halak na mangihutkon hamu laho mangusir angka setan i? Angka donganmunu i do na pataridahon na tutu hamu sala!

MATEUS 9:34

Tapi anggo halak Parise songon on do didok halahi, “Kapala ni angka setan do mangalehen kuaso diSia laho paorotkon angka setan i.”

MARKUS 10:39

“Tarbaen hami do i,” ning halahi. Dung i didok Jesus ma mangulahi tu halahi, “Tutu do i nian angkon inumonmunu do siinumon parkancitan na giot inumonKi, jana angkon masuk do hamu tu bagasan sitaonon na giot taononKi.

MARKUS 3:22

Didok angka Siboto Surat na sian Jerusalem i ma, “Na susur do sibolis tuSia!” Adong muse na mandok, “Kapala ni setan i do na mangalehen kuaso tuSia laho mangusir setan i.”

LUKAS 11:15

tapi adong ma deba mandok, “Umbaen na tarpaorot Ia pe tondi na jahat i, hara ni na dung dilehen si Beelsebul kapala ni angka setan i do kuaso diSia.”

LUKAS 11:18

Muda masa parbadaan di bagasan harajaan ni Sibolis, na sada tu na asing, tarbia ma partahanna harajaan i? Didok hamu, hara ni pangurupi ni si Beelsebul do Hupaorot begu i.

LUKAS 11:19

Jadi, muda marhite kuaso ni si Beelsebul do Hubaen i, antong mangasahon kuaso na sian ise do angka na mangihutkon hamu paorotkon angka setan i? Hara ni i, halahi do na gabe panguhumimu!

JOHANNES 10:20

Bahat na mandok, “Na sibolison do i! Na rintik do i! Biasi dipatangi-tangi hamu i?” ning halahi.

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

JOHANNES 8:48

Dialusi halak Jahudi i ma, “Nada he tutu do muda hami dokkon halak Samaria do Ho, jana na nisonggopan ni setan?”

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’