MATEUS 10:20 - BIBEL JAMITA NA DENGGAN

²⁰ Nada hamu na giot mangkatai disi, Tondi ni Ama na di banua ginjang i do, tapi markite-hite hamu.

MATEUS 10:20 ပူးပေါင်းရင်းမြစ်များ

2 SAMUEL 23:2

Mangkuling do Tondi Ni Tuhan markite-hite au; tona dohot parentaNia sai di bibirku.

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

MATEUS 6:32

Halak na so mananda Tuhan do na tongtong manggogo manjalahi na songon i. Hape nian diboto Amangmunu na di banua ginjang i do, sude na porlu di hamu.

MARKUS 12:36

Si Daud sandiri, marhite panuturi ni Tondi Parbadia mandok: ‘Madung didok Tuhan i do tu Tuanku: Juguk ma Ho di siamunKu lopus Hubaen sude angka musuMu tunduk tu Ho.’

LUKAS 11:13

Haru na bia pe jahatmunu, laing diboto hamu do patupa na denggan tu dakdanakmunu, mur ma hape Ama na di banua ginjang i. Laing na lehenonNia do tondiNia di halak na mangido diSia!”

LUKAS 12:12

angke ajaran ni Tondi Parbadia do hamu sanga aha sidokkononmunu di hatiha i.”

LUKAS 21:15

Au sandiri do mangalehen angka hata sidokkononmu dohot habisuhon, lopus nada tarbaen sahalak pe sian angka musumunu i mangalo dohot mangalusi sanga aha na nidokmunu i.

BAENON NI ANGKA RASUL 13:9

Tapi digohi Tondi Parbadia ma si Saulus, na nigoaran muse si Paulus, dipanotnoti ia ma bayo parelmu i,

BAENON NI ANGKA RASUL 2:4

Jadi digohi Tondi Parbadia ma halahi sude jana mamungka ma halahi mangkatai di hata na asing na marragam-ragam. Mangkatai ma halahi hombar tu hata na nilehen ni Tondi i dokkonon ni halahi.

BAENON NI ANGKA RASUL 28:25

Jadi morot be ma halahi sian inganan i marsioban pandapotna be, dung jolo didok si Paulus songon on, “Tutu ma na nidok ni Tondi Parbadia markite-hite Panurirang Jesaya tu angka ompumunu i!

BAENON NI ANGKA RASUL 4:8

Dialusi si Petrus na nigohan ni Tondi Parbadia i ma, “Hamu angka tuan pamimpin ni bangso on, dohot angka hatobangon!

BAENON NI ANGKA RASUL 6:10

Tapi nada tarsoadahon halahi sanga aha na nidok ni si Stefanus i, harana madung dilehen Tondi Parbadia disia hamaloan mandok hata.

2 KORINTUS 13:3

Anggo disi idaonmunu ma buktina paboa na tutu do mandok hata Kristus markite-hite au. Muda baenon ni Kristus tindakan tu hamu, nada gale-gale baenonNia, tapi patidahononNia ma kuasoNia di tonga-tongamunu.

1 TESSALONIKA 2:13

Adong dope sada nari pangalaho na mambaen hami angkon tongtong mandok tarimakasi tu Debata. I ma, hara ni panjagitmunu di jamita na sian Debata dompak hami jamitahon tu hamu. Nada songon jamita na sian jolma i dijagit hamu tapi songon jamita na sian Debata do. Jana na sian Debata do i tutu! Na markarejo do hata ni Debata di bagasan dirimunu na mangkaporsayai Kristus.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

2 PETRUS 1:21

Angke nada adong halak na tarbaen paboahon barita na sian Debata taringot tu angka na giot tarjadi saulahon, anggo sian dirina sandiri. Tondi Parbadia sandiri do na mangajari halahi paboahon barita na sian Debata i.