MATEUS 10:18 - BIBEL JAMITA NA DENGGAN

¹⁸ Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

MATEUS 10:18 ပူးပေါင်းရင်းမြစ်များ

MASMUR 119:46

Baritahononku ma aturanMi tu angka raja, jana nada au gabe marhahaila.

MATEUS 10:17

Jago-jago ma hamu harana adong do halak na giot manangkup hamu laho maroban hamu pajongjongon di rapot pangadilan ni ugamo. Loncingon ni halahi ma hamu di angka bagas paribadatan.

MATEUS 10:19

Tapi muda dioban hamu anso niadilan, ulang sak rohamunu taringot tu hata sidohononmunu sanga taringot tu pangkataimunu bagi na tarbia. Harana, sanga aha pe na giot sidokkononmunu disi, jolo paboaon do i tu hamu.

MATEUS 8:4

Dung i didok Jesus ma tusia, “Ingot ma! Ulang caritohon na masa on sanga na tu ise pe. Tapi kehe ma ho manopot malim, patidahon ma dirimu. Jadi lehen ma haulmu hombar tu na nidok ni si Musa, anso diboto halak na dung malum ho!”

MARKUS 13:9

Angkon jamot do hamu, angke tangkupon do hamu, obanon tu rapot ugamo. Dibalbali halahi ma hamu di angka bagas paribadatan. Obanon ma hamu mangadop tu jolo ni angka parkuaso dohot raja-raja hara ni Au. Anso gabe hasaksian ma i taringot tu goarKu di halahi sude.

2 TIMOTEUS 1:8

Jadi hara ni i, ulang ma maila ho pajojorkon hasaksian taringot tu Tuhanta jana ulang maila ho hara ni au na tarhurung hara ni Ia. Gumonan ma dohot ho manaon parkancitan hara ni Jamita Na Denggan i mangasahon gogo na sian Debata.

HALUMBAAN 1:9

Si Johannes do au, kahanggi bope donganmunu saparjuangan na topet manaon parkancitan, di harajaan dohot di pohom ni roha paintehon Jesus. Na tarbuang do au di pulo Patmos hara ni na pararatkon jamita na sian Debata na nipasahat ni Jesus.

HALUMBAAN 11:7

Dung sidung dipaboa halahi jamita ni halahi i, ro ma binatang na ruar sian rura hamatean i mangalo halahi. Taluhononnia ma halahi jana bunuonnia.

HALUMBAAN 6:9

Dung i dibuka Anak Ni Biri-biri i ma cap na palimahon. Dung i huida ma di toru ni meja parhaulan i, adong angka tondi ni angka halak na mate hona bunu hara ni haporsayaan ni halahi tu jamita na sian Debata dohot hara ni haburjuon ni halahi pararatkon jamita i.