MATEUS 10:15 - BIBEL JAMITA NA DENGGAN

¹⁵ Satutuna ma na hudok on! “Numayang do taonon ni isi ni tano Sodom dohot Gomora di ari panguhuman i, ulang kota na songon i!”

MATEUS 10:15 ပူးပေါင်းရင်းမြစ်များ

MATEUS 12:36

Tapi Hudok ma tu hamu, Angkon dialusi halak i do sogot di ari panguhuman i taringot tu sude hata na so hasaya, na ruar sian pamangan ni halahi.

MATEUS 5:18

Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

MATEUS 7:22

Di ari parpudi bahat ma halak na mandok tu Au, ‘Tuhan, Tuhan, nada he mangasahon goarMu do hami manyurirangi? Nada he laing mangasahon goar ni Tuhan i do hami paorot angka setan, jana hami baen angka tanda hahomangan?’

MARKUS 6:11

Tapi muda lalu hamu tu sada inganan hape inda ra halak na disi i manjagit hamu dohot manangihon hamu, morot ma hamu sian inganan i. Paspaskon hamu ma abuan na di palakpak ni patmunu i gabe songon parningotan di halahi!”

JOHANNES 12:48

Saulahon, adong do na manguhumi sanga ise na so ra manjagit Au jana na so ra patuluskon angka na Hudok. Jamita na Hupalalu i do na gabe panguhum maradopkon halahi di Ari Parpudi.

JOHANNES 6:39

Jana songon on ma hagiot ni na marsuru Au; anso ulang Huagohon sahalak pe sian sudena halak na nipasahatNia tu Au; tapi anso Hupangolu do halahi mangulahi dung di Ari Parpudi.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

BAENON NI ANGKA RASUL 17:31

Harana na dung ditontuhon Ia hian do sada hatiha laho manguhumi portibi on sudena mangihutkon hatigoran. Pasahaton ni Debata ma karejo i tu sada halak na dung nipiliNia tusi. Jadi anso pos roha ni halak sudena taringot tusi, madung dipangolu Debata do Ia mangulahi sian hamatean!” ning si Paulus.

1 KORINTUS 3:13

Muda ro saulahon Kristus, disi pe anso tarida parkarejoan ni halahi be. Harana api paruhuman do pataridahon karejo ni ganop be. Api i ma na manguji jana manontuhon hadengganan ni karejo i.

1 TESSALONIKA 5:4

Tapi anggo hamu angka dongan, nada di hagolapan hamu maringanan; na mambaen hamu gabe tarsonggot do baenon ari i songon na nisonggot ni panangko.

IBRANI 10:25

Ulang ma tatinggalkon parlagutanta i, songon na nibaen ni na deba. Angkon mur umburju ma nian hita marsipaingotan sama hita, angke taboto do, ro ne ma Tuhan i.

2 PETRUS 2:6

Laing songon i muse do pangalaho ni Luat Sodom dohot Gomora. Hona uhum do luat i dibaen Debata jana ditutung dohot api anso gabe tiruan tu angka na giot masa maradopkon angka jolma na so ra mangkaporsayai Debata.

2 PETRUS 2:9

Jadi anggo taringot tu angka halak na mangihutkon hagiot ni Tuhan, diboto Tuhan do sanga na bia dalanna baenonNia laho paluahon halahi sian angka ujian na masa tu halahi. Jana taringot tu angka jolma na jahat pe, diboto Tuhan do manabunihon halahi anso hona siksa di Ari Paruhuman,

2 PETRUS 3:7

Tapi anggo langit dohot tano na saonnari on, i ma na giot abiskonon dohot api saulahon, dipauli-uli Debata dope i laing markite-hite hataNia anso nisimpan lopus dapot hatihana niuhuman jana nimatehon sudena angka jolma na so porsaya tu Debata.

1 JOHANNES 4:17

Sanggam do holong ni roha i dipatupa di bagasan dirinta anso marpos ni roha hita di Ari Paruhuman i, harana tudos songon Ia, hita pe di portibi on do.

JUDAS 1:6

Laing ingot hamu ma angka surusuruan na so mangargahon jabatan ni halahi, na gabe kehe halahi manadingkon ingananna. Dipasung Debata do angka surusuruan i dohot hayu na so ra sego salolot-lolotna, di inganan na golap situtu. Torus ma halahi disi ditahan lopus nidabu uhum tu halahi di Ari na godang i.

JUDAS 1:7

Laing ingot hamu ma kota Sodom dohot Gomora dohot angka kota na humaliang i, na niinganan ni halak angka na mambaen pangalaho songon na nibaen ni angka surusuruan i. Angka pangalaho na rorang dohot na mangoloi hagiot ni sibukna do dipambaeni halahi, gabe hona uhum ma halahi dohot api na so ra mintop, baen sipaingot tu halak sudena.