MATEUS 1:23 - BIBEL JAMITA NA DENGGAN

²³ “Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)

MATEUS 1:23 ပူးပေါင်းရင်းမြစ်များ

MASMUR 46:11

Didongani Tuhan Na Markuaso i do hita, Debata ni si Jakob do mangondihon hita.

MASMUR 46:7

Didongani Tuhan Na Markuaso i do hita, diondihon Debata ni si Jakob do hita.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JESAYA 7:14

Hara ni i Tuhan sandiri ma mangalehen sada tanda di hamu: Sasintongna, sada halak anakboru angkon mardenggan pamatang jana manubuhon sada anak, jana goaronnia ma Anak i “Immanuel”.

MATEUS 1:24

Dung ngot si Josep, dipatulus ia ma na nidok ni surusuruan ni Tuhan tusia. Dibuat ia ma si Maria gabe dadaborunia.

MATEUS 28:20

Laing ajari hamu ma halahi anso burju mangoloi sude na Huparentahon tu hamu. Botoonmunu ma. Au ma tongtong rap dohot hamu lopus tu hasidungan ni tano on.”

LUKAS 20:44

Muda ‘Tuhan’ do Ia didok si Daud, tarbia ma parjadina Kristus i pinompar ni si Daud muse?”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

BAENON NI ANGKA RASUL 18:9

Di na sanoli borngin-borngin didok Tuhan ma tu si Paulus di bagasan sada parnidaan, “Ulang pola mabiar ho! Torus ma ho mangkobari, ulang ho hohom.

SURAT NI SI PAULUS TU PARLAGUTAN ROM 8:31

Aha ma he tardok hita taringot tu sudena i? Muda Debata donganta, ise ma he tarbaen mangalo hita?

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

2 KORINTUS 5:19

Markite-hite Kristus dibaen Debata do lopus mardenggan nian jolma na satano on dohot Debata. Nada dijujur Debata be angka hasalaan na nibaen ni jolma i tuSia, jana hami madung disuru Debata pabolkaskon barita pardengganan i.

1 TIMOTEUS 3:16

Sada halak pe nada tarbaen mansoadahon sanga na bia godang ni rahasia ni ugamonta: Dipataridahon Ia do diriNia gabe jolma, jana dipatigor di bagasan Tondi, na patidahon diriNia tu angka surusuruan. Dipatubegehon do baritaNa di tonga-tonga ni angka bangso, jana sihaposan do Ia di tano on. Saonnari madung nipanaek Ia tu banua ginjang.

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

2 TIMOTEUS 4:22

Sai didongani Tuhan i ma tondimu. Sai didongani asi ni roha ni Debata ma hamu!