MATEUS 1:21 - BIBEL JAMITA NA DENGGAN

²¹ Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MATEUS 1:21 ပူးပေါင်းရင်းမြစ်များ

PAMUNGKAAN 17:19

Tapi didok Debata ma, “Nada ale. Tubuhonon ni si Sara ripemi do anak halaklahi, jana baen ma goarna si Ishak. Torus do tioponKu parjanjianKu tu dakdanak i dohot tu pomparanmu salolot-lolotna.

PAMUNGKAAN 17:21

Tapi anggo parjanjianKi, dohot si Ishak do pudunonKu, i ma anakmu na giot tubuhonon ni si Sara taon naro tarsongon on ma hatihana.”

PAMUNGKAAN 18:10

Didok sada halak ma sian halahi, “Di hatiha songon on ma giot mulak ro au mandapotkon ho. Jana disi ma adong anak halaklahi di si Sara ripemi.” Topet do di hatiha i si Sara manangihon di pintu ni bandar i, di pudinia.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

JEREMIA 33:16

Paluaonna ma halak Juda dohot halak Jerusalem jana sonang baenon ngolu ni halahi. Goaron ma kota Jerusalem, ‘Tuhan do hatigoranta.’

DANIEL 9:24

Pitu noli pitu pulu taon, i ma hatiha na ditontuhon ni Debata laho paluahon bangsomu dohot kotamu na badia i sian dosa dohot hajahatan. Ampunan noma sude jana pahoton hatigoran na manongtong, lopus gabe tulus tarjadi parnidaan i, jana Bagas Ni Tuhan na badia i pasahaton ma mangulahi tu Tuhan i.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MATEUS 1:25

Tapi salolot di pamatang ni si Maria Dakdanak i, inda unjung rap modom si Josep dohot si Maria. Jadi dung sorang Dakdanak i, dibaen si Josep ma goarna Jesus.

LUKAS 1:13

Tapi ninna surusuruan i ma tusia, “Ulang ho mabiar Zakaria! Madung dijagit Debata tangiangmi. Sorang ma sada anakmu sian dadaborumu si Elisabet. Angkon si Johannes do goarna baenonmu.

LUKAS 1:31

Denggan ma pamatangmu jana sorang ma sada anakmu, jana angkon Jesus do baenonmu goarNa.

LUKAS 2:11

Madung sorang sadari on di Kota Ni si Daud, Sipalua i, i ma Kristus Tuhan i.

LUKAS 2:21

Dung marumur salapan ari, angkon nisunat ma Dakdanak i. Dibaen halahi ma goarNia Jesus, i ma goar na nilehen ni surusuruan tuSia dompak so di kandungan dope Ia.

JOHANNES 1:29

Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 4:42

Didok halahi ma tu anak boru i, “Saonnari madung porsaya hami, nada hara ni angka na nipaboami be tu hami, tapi hara ni na dung hami bege sandiri sian Ia, jana madung hami boto tutu do Ia Sipalua ni portibi on.”

BAENON NI ANGKA RASUL 13:23

Sian pomparan ni si Daud i ma dipabangkit Debata sada Sipalua di halak Israel, laing songon na nijanjihonNia i hian. Jana Jesus do Kristus i.

BAENON NI ANGKA RASUL 3:26

I do umbaen na nipili ni Debata NaposoNia, jana hamu do na parjolo didapotkon Ia anso dipasupasu Ia hamu, dohot paubahon rohamunu sudena sian ngolumunu na jahat i.”

BAENON NI ANGKA RASUL 4:12

Hum markite-hite Jesus sajo do jolma dipalua. Harana sian sude jolma na satano on, nada adong sahalak pe na dung manjagit kuaso sian Debata laho paluahon hita.”

BAENON NI ANGKA RASUL 5:31

Jana madung dipabangkit Debata Ia markite tangan siamunNia gabe Pamimpin dohot Sipalua; anso marhamubaan ni roha dohot manjagit hasesaan ni dosa Israel i.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 7:25

Jadi hara ni i sanga andigan pe tarbaen Jesus do paluahon sanga ise halak na ro tu Debata markite-hite Ia. Tarbaen Jesus pe songon i hara ni na mangolu do Ia sapanjangna laho pasahatkon tu Debata angka pangidoan ni halahi.

1 JOHANNES 1:7

Tapi muda mangolu di na torang hita laing songon Debata na maringanan di na torang i, gabe mangolu ma hita di bagasan pardomuan na solkot na sada tu na asing, jana hara ni mudar ni Jesus AnakNa i gabe ias ma hita sian sasude dosanta.

1 JOHANNES 3:5

Diboto hamu do sanga hara ni aha umbaen na ro Kristus, i ma na laho manyesa angka dosa ni jolma jana nada adong dosa di bagasan Ia.

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

HAKIM-HAKIM 13:3

Tapi sanoli ro ma Surusuruan Ni Tuhan tusia jana didok ma, “Salolotna on na so maruntungan do ho, tapi nada pola sadia honok nari denggan ma pamatangmu. Jadi tubuhononmu ma sada anak halaklahi.

1 SAMUEL 1:20

Denggan ma pamatang ni Hanna jana sorang ma anakna halaklahi. Dibaen ia ma goarna si Samuel, angke didok ia, “Na hupangido do ia sian Tuhan.”