MATEUS 1:17 - BIBEL JAMITA NA DENGGAN

¹⁷ Jadi mamungka sian si Abraham lopus tu si Daud, adong ma opat bolas sundut. Sian si Daud lopus tu hatiha na tarbuang halak Israel tu Babel, opat bolas sundut muse. Jana sian habuangan ni halak Israel tu Babel lopus tu hasosorang ni Kristus, laing opat bolas sundut.

MATEUS 1:17 ပူးပေါင်းရင်းမြစ်များ

2 RAJA-RAJA 24:14

Raja Joyakin, angka dadaborunia, inangnia dohot angka pagawe ni bagas godangnia ditaban si Nebukadnesar ma i sudena jana dioban tu Babel. Pitu ribu halak angka na malo, saribu halak parkarejo na malo, masuk ma disi angka pande bosi, dohot hona oban; angka halak na malo marporang do i sudena. Sudena na nioban tu habuangan i, dohot ma disi bagian parbagas godang dohot angka halak na pistar, adong ma hira-hira sampulu ribu halak sudena. Hampir do sude halak na mangingani Jerusalem dioban tu habuangan i. Hum angka rayat na umpogos ma na tading.

MATEUS 11:2

Dibege si Johannes Pandidi na tarhurung i do taringot tu pambaenan ni Jesus Kristus. Gabe disuruhon ia ma angka anak siseannia laho manyapai Jesus songon on,

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)