MASMUR 99:9 - BIBEL JAMITA NA DENGGAN

⁹ Somba sujut ma tu Tuhan Debatanta, angke na badia do Ia. DiSia do sangap dohot puji, di DolokNia na badia i.

MASMUR 99:9 ပူးပေါင်းရင်းမြစ်များ

MASMUR 132:7

Beta ma hita kehe tu inganan parmianan ni Tuhan, jana tasomba Ia di adopan ni habangsaNia.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 99:3

Padiar ma halahi mamuji goarNia na tongam marmulia, angke na badia do Ia!

MASMUR 99:5

Puji ma Tuhan Debatanta, manungkap ma hamu di joloNia, angke na badia do Ia!

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JESAYA 6:3

Marsipioan ma halahi: “Na badia, na badia, na badia ma da Tuhan Na Markuaso i. Digohi hamuliaonNia do portibi on.”

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

LUKAS 1:49

hara ni Na Markuaso i, na dung mambaen angka pangalaho na godang tu au. Na Badia do goarNa.

HALUMBAAN 3:7

“Tu surusuruan ni parlagutan na di Piladelpia, songon on ma suratkon: On ma barita sian Na Badia jana Na Tigor i. I ma sitiop kunci ni si Daud; muda dibuka Ia, nada adong sahalak pe na tarbaen manutupsa, jana muda ditutup Ia nada tarbuka sanga ise be i.

HALUMBAAN 4:8

Mahluk na opat i, onom be habongna jana sap sudena dohot mata. Nada mantak mahluk na opat i marende arian na borngin, “Na badia, na badia, na badia do Tuhan Debata Parkuaso Na Sumurung i; na adong, na dung adong, jana na giot ro!”

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.