MASMUR 99:1 - BIBEL JAMITA NA DENGGAN

¹ Raja do Tuhan, marhabangsa di ginjang ni kerub; humitir angka bangso portibi pe lumalo-lalo.

MASMUR 99:1 ပူးပေါင်းရင်းမြစ်များ

2 SAMUEL 6:2

Dioban ia ma halahi tu Baale-Juda laho mangalap sian i Poti Parjanjian na digoari marhite goar ni Tuhan Na Markuaso na marhabangsa di ginjang ni angka kerub.

1 JUJUR TAON 16:30

O ale sandok tano on, humitir ma hamu di jolo ni Tuhan. Dipajongjong ma tano on jana nada humordit.

MASMUR 18:10

Juguk ma Ia di ginjang ni kerub jana habang, habang di ginjang ni habong ni alogo.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

MASMUR 80:2

Patangkas ma kuasoMu di adopan ni Efraim, Benyamin dohot Manase, jana ro ma Ho antong paluahon hami.

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

MASMUR 93:1

Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

MASMUR 96:9

Somba hamu ma Tuhan marhite habadiaan, humitir ma di adopanNia, ale sandok tano on!

MASMUR 97:1

Tuhan do raja! Padiar ma marolop-olop tano on, padiar ma marlas ni roha angka pulo.

MASMUR 97:4

Ditorangi hilapNa i portibi on, humitir tano on marnidasa.

HARURUAR 25:22

Disi ma Au marsuo dohot ho, jana sian ginjang tutupna i di holang-kolang ni kerub na dua na marhabong i, sian i ma lehenonKu angka aturan tu bangso Israel.”

JESAYA 19:14

Tuhan do na mambaen halahi mangalehen sipaingot na paguga-gugahon. Jadi gabe marsalaan ma antong sude na nipambaenan ni Mesir i jana pardalanna i pe songon na mabuk noma marunjoman jana tarsilandit di uta-utana i sandiri.

JEREMIA 4:24

Hutailihon angka dolok na gincat munggal-unggal maradu gogo.

JEREMIA 49:21

Muda dung madabu Edom, tarbege ma hagaoron na tarlobi jabat humutur tano on sudena; pangarar ni halak na manginganisa habegean lalu tu Laut Teberau.

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

JEREMIA 50:46

Muda madabu Babel, tarbege ma hagaoron na lobi gogo jabat humutur portibi on; begeon ni angka bangso na asing ma angguk ni halahi.”

JEHESKIEL 43:7

“Ale anak ni jolma, on ma habangsangKu. Dison ma Au giot maringanan di tonga-tonga ni halak Israel jana mamarenta tu halahi salolot-lolotna. Nada be pahodaron ni halahi bope angka raja ni halahi goarKu na Badia i marhite na manyomba gana-ganaan sanga marhite na manguburkon angka raja ni halahi di inganan on.

LUKAS 19:12

Jadi didok Jesus ma tu halahi, “Adong ma sada halak na mora na kehe tu luat na dao manjagit pangangkatannia gabe raja disi, dung i mulak ma ia.

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

PILIPPI 2:12

Hara ni i hamu angka dongan na nihaholongan, songon pangoloimunu tu au dompak di tonga-tongamunu au, saonnari pe haru dung padao-dao, angkon mur olo ma hamu nian tu au. Usahohon hamu ma tongtong anso mur sanggam haluaanmunu i. Mardongan biar dohot hitir ma baen hamu sudena i,

HALUMBAAN 11:17

Ninna halahi ma, “Debata Na Markuaso do Tuhan, mandok tarimakasi do hami tu Ho, ale Tuhan Debata Parkuaso Na Sumurung, na adong dohot na dung adong, dibaen madung dipake Ho kuasoMu na godang i, jana madung dipungka Ho pamarentaanMu.

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

HALUMBAAN 6:14

Mago ma langit i songon karotes na nibalun jana marmorotan ma angka dolok dohot pulo sian ingananna hian.