MASMUR 98:4 - BIBEL JAMITA NA DENGGAN

⁴ Marsurak-surak ma hamu di Tuhan, ale sandok tano on, marsurak ma hamu jana pajojor masmur marjop ni roha!

MASMUR 98:4 ပူးပေါင်းရင်းမြစ်များ

MASMUR 100:1

Marsurak ma di Tuhan, ale sandok portibi!

MASMUR 66:1

Marsurak-surak ma di Debata, o hamu sude na satano on!

MASMUR 66:4

Sude tano on tunduk marsomba di adopanMu, marende do halahi mamuji goarMu.

MASMUR 67:4

Angke marhite hatigoran do Ho manguhumi, jana ditogu Ho do sandok bangso di portibi on.

MASMUR 71:22

Pujionku ma Ho marhite hasapi, ale Debatangku, hupuji Ho, dibaen sai denggan rohaMu mida au. Mardongan sora ni hasapi endehononku ma pujian di Ho, ale Na Badia ni Israel.

MASMUR 95:1

Beta marende hita di Tuhan, marsurak-surak di pangondinginta!

MASMUR 95:2

Beta ma mangadop tuSia mardongan logu tarimakasi, marsurak-surak diSia mardongan masmur.

JESAYA 12:6

Suruhon ma sude halak na maringanan di Sion, marsurak jana marende marjop ni roha. Na marmulia situtu do Debata Na Badia ni Israel, maringanan di tonga-tonga ni bangsoNia do Ia.”

JESAYA 42:11

Puji ma Debata, ale parhorsihan dohot angka kota, pujion ni halak Kedar ma nian goarNia. Sian puncut ni dolok, na mangingani kota Sela marsurak marolop-olop marjop ni roha.

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

ZEPANYA 3:14

Ale Israel, marsurak ma hamu jana marende! Ale Jerusalem, marmoga-moga ma hamu sian sandok ate-ate.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

HALUMBAAN 19:1

Dung i hubege ma sora na gogo sian halak na ribur, na marsurahi sian banua ginjang, mandok, “Haleluya! Haluaan dohot hasangapan dohot hagogoan ma di Debatanta.

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.