MASMUR 98:3 - BIBEL JAMITA NA DENGGAN

³ Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

MASMUR 98:3 ပူးပေါင်းရင်းမြစ်များ

MASMUR 106:45

Hara ni halahi diingot Ho parjanjianMu, jana diuba Ho haputusanMu, hara ni godang ni holong ni rohaMu.

MASMUR 22:27

Ingoton ni sude bangso ma Tuhan, sian desa na walu halahi marroan, sude horong ni bangso mulak ma tuSia, lalu marsomba tuSia.

MASMUR 67:7

Madung dipasupasu Debata hita, sai sude ma nian na satano on pasangapkon Ia.

MASMUR 98:2

Dibaritahon Tuhan do haluaan na sian Ia, dipataridahon Ia do hatigoranNia di jolo ni angka bangso.

JESAYA 45:22

O hamu sude na mangingani portibi; sasada Au do da Debata. Saonnari marbalik ma hamu tu Au, anso dipalua hamu.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

HAMALIMON 26:42

ingotonKu ma parjanjian dohot si Jakob, si Ishak dohot si Abraham. PaimbaruonKu ma janjingKu laho mangalehen tano tu bangsongKu.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

LUKAS 1:72

Anso markite-hite i ma dipatuduhon Ia haburjuon ni rohaNia tu angka ompunta jana digohi Ia do janjiNia na badia i.

LUKAS 3:6

Idaon ni halak na satano on ma haluaan na sian Tuhan!’ ”

BAENON NI ANGKA RASUL 13:47

Angke songon on do diparentahon Tuhan tu hami di na nidokNia, ‘Madung Hutontuhon hamu gabe sada sondang tu angka bangso na asing na so Jahudi; anso paroonmunu haluaan tu na satano on.’ ”

BAENON NI ANGKA RASUL 28:28

Ujungna didok si Paulus, “Angkon botoonmunu do, saonnari madung dipalalu do barita haluaan na sian Debata tu angka bangso na asing na so Jahudi. Ra do halahi mangihutkon i!” [

SURAT NI SI PAULUS TU PARLAGUTAN ROM 10:12

Harana nada adong imbarna halak Jahudi bope halak na asing, harana sada do Tuhan ni sasude jolma. Dilehen Ia do pasupasuNa tu halak na mangido tolong tuSia.

SURAT NI SI PAULUS TU PARLAGUTAN ROM 10:18

Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

PANGARATAION 4:31

Debata na gok ibo ni roha do Tuhan i. Nada tadingkononNia sanga abiskononNa hamu, jana nada halupahononNia parjanjian na nibaenNia sandiri dohot ompumunu.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.