MASMUR 98:2 - BIBEL JAMITA NA DENGGAN

² Dibaritahon Tuhan do haluaan na sian Ia, dipataridahon Ia do hatigoranNia di jolo ni angka bangso.

MASMUR 98:2 ပူးပေါင်းရင်းမြစ်များ

MASMUR 22:31

Tu bangso na umpudi tubu paboaonna do barita, “Madung dipalua Tuhan bangsoNia.”

MASMUR 24:5

Pasupasuon do halahi jana paluaon tu joloan on. Tuhan mandok, halahi nada marsala.

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

JESAYA 62:2

Diida angka bangso do hamonanganmu, ditatap angka raja hagodanganmu. Pioon ma ho marhite goar na imbaru, Tuhan i sandiri do na pasahat goarmu.

JEREMIA 23:6

Muda dung mamarenta ia, malua ma halak Juda jana Israel mangolu ma di bagasan sonang. Goaron ma raja i ‘Tuhan do hasintonganta.’

MATEUS 28:19

Jadi hara ni i, kehe ma hamu tu sude bangso, baen hamu ma halahi gabe halak na mangihutkon Au. Didi hamu ma halahi di bagasan goar ni Ama, goar ni Anak dohot goar ni Tondi Parbadia.

MARKUS 16:15

Dung i didokkon Jesus ma tu halahi, “Kehe ma hamu tu sude portibi on. Baritahon hamu ma Jamita Na Denggan na sian Debata i tu sudena jolma.

LUKAS 3:6

Idaon ni halak na satano on ma haluaan na sian Tuhan!’ ”

SURAT NI SI PAULUS TU PARLAGUTAN ROM 1:17

Harana di bagasan ni i dipapatar do hatigoran ni Debata, na sian haporsayaan tu haporsayaan, songon na dung tarsurat, “Halak na tigor sian haporsayaanna, i do na giot mangolu.”

SURAT NI SI PAULUS TU PARLAGUTAN ROM 10:18

Tapi husapai ma: Nada he dibege halahi do i? Madung dibege halahi do i, “Angke madung lalu do sora ni halahi tu sandok tano on, jana hata ni halahi madung tu liat portibi on.”

SURAT NI SI PAULUS TU PARLAGUTAN ROM 9:30

Antong aha ma dohononta saonnari? On do: Angka bangso na asing na so manjalahi hatigoran, madung dapotan hatigoran, i ma hatigoran hara ni haporsayaan.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

PILIPPI 3:9

jana tutu mardomu dohot Ia. Hadengganan dohot Debata nada be huusahohon sandiri dohot dalan pangoloion tu angka Tona ni ugamo. Denggan pe pardomuanku saonnari dohot Debata, hara ni na huhaporsayai do Kristus. Jadi, sian Debata do haroroan ni pardomuan na denggan i, jana marojahan ma i di haporsayaan tu Jesus Kristus.

TITUS 2:13

Saonnari na painte-intehon Ari na niarop ni rohanta i do hita. Anggo di Ari i, idaon ni portibi on ma hasangapan ni Jesus Kristus, i ma Debata Na Gumodang i jana Jesus Kristus Sipalua hita.

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.