MASMUR 97:8 - BIBEL JAMITA NA DENGGAN

⁸ Sonang pangkilaan ni halak Sion dohot angka kota ni Juda di na umbege haputusan ni Tuhan.

MASMUR 97:8 ပူးပေါင်းရင်းမြစ်များ

1 JUJUR TAON 16:14

Ia ma da Tuhan, Debatanta. Dilingkup kuasoNia do portibi on sudena.

MASMUR 48:11

Sai marjop ni roha ma rayat ni Sion dohot Juda marsorak-sorak, dibaen diuhumi Ho do alo ni halahi.

MASMUR 48:12

Haliangi ma Sion jana bolusi, jana etong ma palas-palasna i.

MASMUR 52:6

Paida-ida i, mabiar ma halak na daulat, jana partataanna ma ho lalu didok ma,

MASMUR 58:10

Marjop ni roha halak na burju, paida-ida halak parjahat hona uhum, jana mambasu patna dohot mudar ni halak na durako.

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

JESAYA 62:11

Lopus tu sandok ujung ni portibi on dilehen Tuhan tona on, “Dok ma tu boru Sion, ‘Ligi da, ro ma disadu Tuhan sipalua. Dohot Ia laing dohot muse do da angka halak na nipaluaNia.’ ”

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

HALUMBAAN 18:20

Marjop ni roha ma hara ni ia, ale banua ginjang, dohot hamu halak na badia, angka rasul dohot angka panurirang, harana madung diuhumi Debata ia hara ni pambaenannia maradopkon hamu!