MASMUR 94:4 - BIBEL JAMITA NA DENGGAN

⁴ Dipardokkoni halahi do hata na kasar, jana dihasombongkon halahi do angka hajahatanna i.

MASMUR 94:4 ပူးပေါင်းရင်းမြစ်များ

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

MASMUR 125:5

Tapi muda diuhum Ho halak na jahat, uhumi muse ma sanga ise na manyimbil sian dalanMu. Sai horas torkis ma bangsoMi!

MASMUR 140:3

Songon ulok na marbisa do dila ni halahi songon rasun ni ulok sonduk angka hata ni halahi.

MASMUR 31:18

Sumpol ma pamangan ni angka pargabus na manyombong pacia-ciahon halak na bulus.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 59:12

Angke mardosa do halahi hara ni pamanganna, marhite angka hata na nipardokkonanna. Padiar ma tardapot halahi di ginjang ni rohana, angke sai na giot mamurai do halahi dohot na margabusi.

MASMUR 59:7

Torus do halahi manjalahi sindir dohot mangalayasi, hata ni halahi maradu tajom songon podang, diambang halahi na so adong na umbegesa.

PODA 30:14

Adong do halak na kejam na mambuat pangomoan sian na pogos dohot na dangol, sai songon i do dikarejohon manjalahi ngoluna.

JEREMIA 18:18

Didok halahi ma, “Tole ma martahi hita mangalo si Jeremia. Haru so adong pe ia laing na adong do angka malim na mangalehen pangajaran, laing na malo do angka halak na bisuk mangalehen sipaingot; jana laing tarbaen angka panurirang do palaluhon angka tona ni Debata tu hita. Beta ma hita aduhon ia tu paruhuman jana nada be patangi-tangionta angka hatania.”

DANIEL 7:11

Taran hupaligi-ligi tusia, laing hubege dope mamburas tanduk na menek i maradu bulbul. Dung i dimatehon ma binatang na paopatkon i, jana bangkena i diambungkon tu bagasan api lopus mosok.

DANIEL 7:25

Mangkuling ma ia mangalo Debata Na Gumincat i jana parkancitannia ma bangso ni Debata. Akalkononnia ma paubahon angka aturan dohot angka pesta ugamo ni halahi jana rajaannia ma halahi tolu satonga taon honokna.

DANIEL 7:8

Taran hupanotnoti tandukna i, ompot ma tubu sada tanduk na asing di antarana i. Menek do tanduk i tapi dionjar ia do lalu mumpat tolu sian angka tanduk na parjolo i. Marmata do tanduk na menek i songon mata ni jolma jana marpamangan na bulbul pangkataina.

DANIEL 8:11

Mur dialo ia muse ma dohot Panglima ni tentara ni banua ginjang, diantak ia haul parhaulan siganop ari na dihaulkon tu Panglima i, jana dirupakkon ia ma bagas paribadatan tuSia.

MATEUS 12:24

Dung dibege halak Parise songon i, ninna halahi ma, “Nada dipaisir Ia angka setan ia so markite-hite si Beelsebul kapala ni setan i.”

MATEUS 12:34

O hamu pomparan ni ulok, songon dia dehe tarbaen hamu mandok angka na denggan, angke na jahat do hamu? Angke, sanga aha na manggohi roha, matua i do hobarkonon ni pamangan!

1 SAMUEL 2:3

Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.