MASMUR 94:23 - BIBEL JAMITA NA DENGGAN

²³ Diuhum Ho do halak na jahat hara ni hajahatanna, dipangabis Ho do halahi hara ni dosana. Tuhan Debatanta giot patimpaskon halahi.

MASMUR 94:23 ပူးပေါင်းရင်းမြစ်များ

2 RAJA-RAJA 19:7

Patubegehonon ni Tuhan ma sada barita tu raja Asur na mambaen ia mulak tu luatnia sandiri jana mate hona bunu ma ia disi.”

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

MASMUR 109:20

O Tuhan, dabu ma uhuman i tu musungku, tu halak na mandok hata na jat tu au.

MASMUR 12:3

Antak ma hata ni pangalancap, ale Tuhan, pahohom ma parpamangan na bidang.

MASMUR 55:23

Tapi anggo Ho ale Debata, sampakkononMu ma halahi tu bagasan lubang na umbagas. Angka panghianat dohot na manduruskon mudar, nada lalu bolusonna satonga ni umurna. Hape anggo au, tu Ho do au porsaya.

MASMUR 64:8

PasidungonNia ma halahi hara ni hata ni halahi, mopeng-openg be ma sude na marnidasa.

MASMUR 7:16

Hajahatan na nitahi ni rohana, tapi ia sandiri do na hona dibaensa.

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PODA 2:22

Tapi anggo halak na jahat dohot parjehe paruaron do sian luat on, songon duhut na niumpat sian tano.

PODA 5:22

Songon tirangkap do dosa ni jolma na jahat na manjorat halakna i sandiri.

PODA 5:23

Mate ma ia hara ni na so manjagit pangajaran. Obanon ni haotoonna i ma ia tu tanoman.

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

JEHESKIEL 18:24

Tapi muda adong sada halak na burju na so mambaen na denggan be, jana na mambaen hajahatan dohot sude pangalaho si hagigian na dihasomalkon ni halak na jahat, torus ma he ia mangolu? Nada! Sada pe sian angka pambaenannia na denggan i, nada adong be siingoton. Mate noma ia patunda ni na mambaen dosa dohot hara ni na so burju tu Au.

DANIEL 7:24

Tandukna na sampulu i, i ma sampulu raja na giot mamarenta di harajaan i. Dung i ruar ma sada raja na asing; asing situtu do i sian angka raja na asing na parjolo i, jana taluhononnia tolu raja.

DANIEL 9:26

Di ujung ni hatiha i hona bunu ma pamimpin na nitodo ni Debata i, hape nada adong nian salania. Jadi ro ma tentara ni sada raja na gogo, sego-segoonnia ma kota Jerusalem dohot Bagas Ni Tuhan i. Ro ma hatiha parujungan i songon aek na magodang na maroban porang dohot hasegoan, laing songon na nisangkapkon ni Debata.

HAKIM-HAKIM 9:57

Jana diuhumi Tuhan do halak Sikem hara ni hajahatan ni halahi i. Topet do antong songon na nidok ni si Jotam anak ni si Gideon i taringot tu halahi di na nisumpaannia halahi.