MASMUR 94:20 - BIBEL JAMITA NA DENGGAN

²⁰ Nada marpardomuan Ho dohot angka panguhum na so ture na mambaen sah na so pade.

MASMUR 94:20 ပူးပေါင်းရင်းမြစ်များ

1 RAJA-RAJA 12:32

Dung i dipambaeni si Jerobeam ma angka malim i di Betel anso martugas disi jana ia sandiri pe dohot ma manghaulkon haul tu angka lombu sere na nibaennia i. Jadi ditontuhon ia ma tanggal lima bolas bulan salapan gabe songon ari pesta ni ugamo di Israel, sarupa dohot ari pesta ni ugamo di Jerusalem. Kehe ma si Jerobeam pagodangkon ari pesta ni ugamo na nitontuhonnia i.

MASMUR 50:16

Tapi anggo tu halak na jahat didok Debata do, “Nada adong hakmu pajojorkon aturanKu, dohot mandok hata satongtang tu parjanjianKu.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 58:2

Nada, niet na jat do di bagasan rohamunu, jana mangasa gogo do hamu di luat on.

MASMUR 82:1

Diuluhon Debata do rapot hadebataon di banua ginjang, lalu dilehen Ia haputusanNia:

PODA 28:9

Muda nada oloanmu uhum, tangiangmu pe sihagigian do.

PARJAMITA 3:16

Adong dope na huida di tano on: Sanga na di dia adong hatigoran dohot hadengganan, disi muse do adong hajahatan.

PARJAMITA 5:8

Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.

JESAYA 10:1

Marjaya ma hamu! Dipambaeni hamu do angka aturan na so tigor laho mamisat bangsongKi.

AMOS 6:3

Laing gogo rohamunu mandok na honok dope ari hamamago i, hape angka parbuatanmunu i do patibuhon haroro ni ari i.

MIKA 6:16

Tarjadi pe sudena i patunda ni na niihutkonmunu ma angka parbuatan jahat na nibaen ni Raja Omri dohot Raja Ahab, anakna i. Diihutkon hamu do antong angka pangalaho ni halahi. Hara ni i roncohononKu ma hamu, jana siincahan dohot silayason ni sandok bangso ma hamu.”

JOHANNES 11:57

Madung diparentahon angka sintua ni malim dohot angka halak Parise, sanga ise na umbotoan di dia Jesus, angkon paboaon ni na umbotosa i ma i; anso tarbaen manangkup Jesus.

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 9:22

Hara ni na mabiar do simatobang ni bayo i mida angka parkuaso ni halak Jahudi i umbaen na songon i didok halahi; harana madung putus tahi ni angka parkuaso ni Jahudi i, pakaruaron ma sian bagas paribadatan sanga ise na mangoku Ia Kristus i.

1 SAMUEL 22:12

Didok si Saul ma tu si Ahimelek, “Tangihon, anak ni si Ahitub!” “Olo, rajanami!” ning ia mangalusi.