MASMUR 94:10 - BIBEL JAMITA NA DENGGAN

¹⁰ Ia do mangajari angka bangso, patut ma he nada manguhumi Ia? Ia do guru ni sandok jolma, patut ma he nada marparbinotoan Ia?

MASMUR 94:10 ပူးပေါင်းရင်းမြစ်များ

JOB 28:28

Didok Debata ma tu jolma, “Angkon pasangopanmunu do Debata anso maruli bisuk hamu. Angkon mandao do hamu sian hajahatan anso dapotan parbinotoan hamu.”

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

JOB 35:11

Dilehen Debata do bisuk tu jolma i lobi sian unggas dohot binatang na adong di portibi.

MASMUR 10:16

Tuhan do raja ro di salolotna; angka bangso na so mananda Ia angkon mago sian tano na nilehenNia.

MASMUR 119:66

Lehen ma bisuk dohot parbinotoan tu au, angke porsaya do au tu angka parentaMu.

MASMUR 149:7

laho manaluhon angka bangso, jana manguhumisa;

MASMUR 44:2

Ho sandiri do paorotkon angka bangso anso hot bangsoMi di tano ni halahi. Diago Ho do angka bangso na asing i, hape anggo bangsoMi dipadiar Ho do mamopari.

MASMUR 9:5

Angka bangso diuhumi Ho, halak na jahat dipusa Ho. Goar ni halahi madung diapuskon; ro di salolotna halahi dihalupahon.

PODA 2:6

Tuhan do na mangalehen habisuhon; sian Ia do dapot jolma parbinotoan dohot pangastuion.

JESAYA 10:12

Tapi didok Tuhan ma, “Anggo dung sidung do na giot baenonKi di Dolok Sion dohot di Jerusalem, uhumonKu do raja ni Asur i hara ni ginjang ni rohana dohot gakgakna.”

JESAYA 2:3

Dokkonon ni halahi sude ma disi, “Manangkok ma da hita tu dolok ni Tuhan! i ma tu Bagas Ni Debata ni Jakob! AjarkononNia noma tu hita sanga aha na patut baenonta. Ihutkononta noma dalan na nitodoNia, harana sian Jerusalem muse do da asal ni poda ni Tuhan, sian Sion do Tuhan mandok hataNa tu bangsoNia.”

JESAYA 28:26

Diboto ia do sanga na bia baenonnia mangkarejohon i, harana madung diajari Debata ia.

JESAYA 37:36

Laing di borngin i, ro ma Surusuruan ni Tuhan tu parundung-undungan ni halak Asur i jana dibunu ma 185.000 halak parajuritna. Ancogotna i manyogot-nyogot, marampar ma angka bangkena i.

JESAYA 54:13

Au sandiri mangajari angka anakmu, anso mangolu sonang nian boti makmur.

JEREMIA 10:25

Tu angka na manghudukkon Ho ma, palalu parpiar ni murukMu dohot tu na so marsomba tu joloMu. Angke madung diabisi halahi sude pomparan ni si Jakob jana na mangaroncohon tano ni halahi.

JEHESKIEL 39:21

Didok Tuhan ma, “PataridahononKu ma hamuliaanKu tu angka bangso. Idaon ni halahi sude ma sanga songon dia pamakengKu di kuasongKu laho mandalankon angka haputusan na tigor.

AMOS 3:2

“Sian sandok bangso na di tano on, hum sasada hamu sajo do bangso na Hutanda dohot na Huantoi. I ma mambaen godang dosamunu, jana angkon uhumanKu hamu.”

HABAKUK 1:12

O Tuhan, nada he sian najolo Ho do Debatangku? Na badia jana na manongtong do Ho Debata. Tuhan, Debatangku jana pangondianku, ditodo Ho do bangso Babel i jana dibaen Ho margogo situtu laho manguhumi hami.

HABAKUK 3:12

Di na panyogo-nyogoon diliati Ho tano; Hara ni sogo ni rohaMu didege-dege Ho angka bangso.

JOHANNES 6:45

Tarsurat do di buku ni angka panurirang songon on: Ajaran ni Debata ma sudena halak. Jadi sudena halak na manangihon Debata jana na marsiajar sian Ia, angka halahi ma na ro tu Au.