MASMUR 93:1 - BIBEL JAMITA NA DENGGAN

¹ Ale Tuhan, Ho do raja; na godang jana marsahala. Togu do parjongjong ni tano on nada tarbaen matolbak.

MASMUR 93:1 ပူးပေါင်းရင်းမြစ်များ

1 JUJUR TAON 16:30

O ale sandok tano on, humitir ma hamu di jolo ni Tuhan. Dipajongjong ma tano on jana nada humordit.

1 JUJUR TAON 16:31

O ale langit dohot tano, marsurak ma marmoga-moga! Paboa ma tu sandok bangso, Tuhan i do Raja!

1 JUJUR TAON 29:12

Sian Ho do haroroan ni sasude hamoraan dohot hasonangan; dirajai Ho do sasudena mardongan hagogoonMu dohot kuasoMu; guru di Ho do mambaen sanga ise gabe halak na godang dohot na gogo.

JOB 40:10

Pajeges ma dirimu mamake hagodangan dohot hajagaron, jana pake ma hatongaman dohot hamuliaan.

MASMUR 103:19

Mamarenta do Tuhan di banua ginjang, Ia do raja na mamarenta sasudena.

MASMUR 145:13

Hot do harajaanMu sapanjangna, ro di salolot-lolotna do martahan kuasoMu. O Tuhan, setia do Ho di sude janjiMu, na denggan ma da tutu sude pambaenanMu.

MASMUR 18:32

Ia do Debata na margogoihon au, na mambaen sonang di pardalananku.

MASMUR 59:13

Pangabis ma halahi ale Debata, di bagasan hamuruhonMu, pangabis ma halahi lopus punu. Gabe sude ma halak umboto bahaso Debata do mamarenta di pomparan ni si Jakob, jana mangararati do pangarajaionNa tu sude tano on.

MASMUR 65:6

Marhite kuasoMu na sumurung i, dipajongjong Ho angka dolok.

MASMUR 65:7

Dipademak Ho do pardobur ni laut dohot pangamuk ni ombak, dipasonang Ho do hagaoran ni angka bangso.

MASMUR 75:3

Muda humutur tano on dohot sude pangisina Au do na pahotkon angka tiangna.

MASMUR 96:10

Baritahon ma tu angka bangso, “Raja do Tuhan! Togu do portibi nada tarhutur, diuhumi Ia angka bangso marhite hatigoran.”

MASMUR 97:1

Tuhan do raja! Padiar ma marolop-olop tano on, padiar ma marlas ni roha angka pulo.

MASMUR 99:1

Raja do Tuhan, marhabangsa di ginjang ni kerub; humitir angka bangso portibi pe lumalo-lalo.

JESAYA 11:5

Markite hasintongan dohot hatigoran do aturonNia bangsoNa.

JESAYA 45:12

Au ma da Tuhan na manjadihon tano, dohot na manompa jolma anso mangingani tano. Hara ni kuasongKu langit i pe mahembang, Huatur mataniari, bulan dohot bintang.

JESAYA 45:18

Angke songon on do didok Tuhan, na manompa langit, – Ia do Debata –. Ditompa jana digana Ia tano on tohong dibaen Ia jana hot jongjong; ditompa Ia i nada anso ulang marisi, tapi baen inganan ni jolma do i; “Au do Tuhan, jana nada adong na asing.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 51:16

Hubaen do hatangKu tu pamanganmu, jana Hubunihon do ho di ondingan ni tanganKu, anso Hupahembang muse langit jana Hupayakkon ojahan ni tano on, dohononKu ma tu Sion: Ho do bangsongKu!”

JESAYA 51:9

Jonggor ma, jonggor ma! Pakehon ma hagogoan ale tangan ni Tuhan! jonggor ma songon di hatiha na robi di hatiha pomparan na jolo! Nada he Ho do na mangaropukkon si Rahab na maniham naga i lopus mate?

JESAYA 52:7

Dengganna i antong haroro ni sioban barita, mamolus angka dolok ia mardalan. Dioban ia barita na denggan dohot barita haluaan, ning ia, “O Sion, Debatamu do Raja!”

JESAYA 59:17

PakeonNia ma hatigoran songon baju bosi jana hamonangan songon kupia baja. Dipasada Ia rohaNia laho manyalosehon na masa i jana baloskononNia hajahatan na niae ni jolma.

JESAYA 63:1

“Ise dehe na ro sian Edom adu? Na ro sian Bosra marbaju na rara, tongam do pakeannia, na mangalangka songon na marsahala? Au do na manjanjihon hasintongan dohot na markuaso paluahon!” “Au ma da on, Tuhan na margogo paluahon, ro Au maroban barita hamonangan.”

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

IBRANI 1:8

Hape anggo tu Anak i didok Debata do, “Ho do Debata, jana hot do salolot-lolotna hasangapanMu songon Raja! Pangarajaion na tigor do pangarajaionMu.

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.