MASMUR 92:1 - BIBEL JAMITA NA DENGGAN

¹ Na denggan situtu do mandok tarimakasi tu Ho, ale Tuhan, jana marende masmur di Ho, ale Debata Na Gumincat;

MASMUR 92:1 ပူးပေါင်းရင်းမြစ်များ

MASMUR 107:1

“Mandok tarimakasi ma hamu tu Tuhan angke na burju do Ia, hot do holong ni rohaNia salolot-lolotna.”

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

MASMUR 135:3

Puji ma Tuhan, angke na denggan do Ia, puji ma goarNia, dibaen na basa do rohaNia.

MASMUR 147:1

Dengganna i antong marende di Debatanta, sonang ma da mamuji-muji Ia.

MASMUR 33:1

Marsurak ma hamu di Tuhan, hamu angka na burju roha, patut do halak na daulat mamuji-muji Ia.

MASMUR 50:23

Sanga ise na mandok tarimakasi baen haulna, i do na pasangapkon Au. Tu halak na tigor ngoluna, patuduhononKu ma haluaan na sian Au.

MASMUR 52:9

Sai giot mandok tarimakasi do au tu Ho, hara ni pambaenanMu, ale Debata. Di tonga-tonga ni parlagutan ni bangsoMu, giot paboaonku do hadenggananMu.

MASMUR 54:6

Mardongan jop ni roha huhaulkon haul di Ho, jana mandok tarimakasi tu Ho, angke denggan do rohaMu ale Tuhan.

MASMUR 73:28

Denggan sajo do di au, hara ni na donok tu Debata, parondingan do hubaen Tuhan Debata, anso tarpajojor au pambaenanNia sudena.

MASMUR 82:6

Hudok do, anggo hamu debata do jana angka anak ni Na Gumincat do hamu.

MASMUR 92:8

angke markuaso do Ho, ale Tuhan, salolot-lolotna.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

DANIEL 5:18

Dibaen Debata Na Gumincat i do si Nebukadnesar simatobang ni raja i gabe raja bolon jana dilehen tusia hagodangan bope habonggalan.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

IBRANI 13:15

Hara ni i, sai tapuji-puji ma Debata markite-hite Jesus; i ma haul haluaan tuSia, na tahaulkon sian pandohan na tapajojor dohot pamanganta laho pasangapkon goarNia.

IBRANI 4:9

Jadi anggo di halak ni Debata laing adong dope janji anso maradian songon Debata na maradian di ari papituhon i.