MASMUR 90:8 - BIBEL JAMITA NA DENGGAN

⁸ Dipatalak Ho angka dosanami di joloMu, dosanami na buni pe torang do di parnidaanMu.

MASMUR 90:8 ပူးပေါင်းရင်းမြစ်များ

JOB 10:14

Sai dipamanat Ho do au betak sai mambaen sala, anso tartulak Ho mangalehen hasesaan ni dosa.

JOB 34:21

Dipareso Ia do ngolu ni jolma, diida Ia do sude parkarejoanna.

MASMUR 10:11

Ning rohania, “Debata madung lupa, nada diparrohahon ia; jana nada idaonNia ro di salolotna.”

MASMUR 109:15

Sai diingot Tuhan ma tongtong dosa ni halahi, anso ulang adong na mangingot halahi di tano on.

MASMUR 19:12

O, Tuhan nada adong na umboto hasalaanna sandiri, antong palua ma au sian hasalaan na buni.

MASMUR 50:21

Dibaen ho ma i sudena, tapi laing Hupahohom do, diambang ho do lakna sarupa bakonta. Tapi anggo saonnari uhumonKu ma ho jana parkarohononKu ma i.

MASMUR 80:16

Ma pola ditaba jana ditutung musu i muruhi ma anso mago halahi.

PODA 5:21

Diida Tuhan do sasude na nibaenmu, dijago Ia do ho sanga na tu dia pe ho kehe.

PARJAMITA 12:14

Uhumon ni Debata do sude parbuatanta; na denggan dohot na jat, salang na buni pe tehe.

JEREMIA 16:17

Huida do sude na nibaen ni halahi. Nada adong na buni di Au; angka dosa ni halahi pe Huida do.

JEREMIA 2:22

Haru pe dipaias ho dirimu dohot aek abu, dohot sabun na marlobi-lobian, tapi hasalaanmi torus do i haidaan di Au, ninna Tuhan Debata.

JEREMIA 23:24

Sahalak pe nada adong na tarbaen buni sian parnidaanKu. Angke di sude inganan do Au adong: Di banua ginjang sanga di tano on.

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

HAMALIMON 4:23

Disi tarboto dosania i tusia, angkon sigop ma haulkononnia sada hambeng jantan na so martihas. Payakkononnia ma tangannia tu ginjang ni ulu ni hambeng i, lalu disambol di topi ni langgatan sabola sian Utara, inganan panyambolan ni angka pahan-pahanan na gabe haul situtungon.

HAMALIMON 4:28

Dung tarboto dosania i tusia, sigop ma haulkononnia sada hambeng boru-boru na so martihas.

SURAT NI SI PAULUS TU PARLAGUTAN ROM 2:16

Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.

1 KORINTUS 4:5

Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.

1 JOHANNES 3:20

Angke muda diuhumi rohanta hita, na gumodang dope Debata sian rohanta jana diboto Ia do sasudena i.

HALUMBAAN 20:12

Jana huida ma angka halak na mate, na menek dohot na magodang rap jongjong di jolo ni habangsa i. Dibuka ma dohot angka buku, dung i dibuka muse ma sada buku na asing, i ma buku hangoluan. Jana di hatiha i ma didabu uhuman tu angka halak na dung mate, satongtang tu pambaenan ni halahi di hatiha na salpu marguru tu na tarsurat di bagasan angka buku i.