MASMUR 90:4 - BIBEL JAMITA NA DENGGAN

⁴ Anggo di Ho saribu taon, dos do i songon ari natuari, songon panjago di hatiha borngin.

MASMUR 90:4 ပူးပေါင်းရင်းမြစ်များ

MASMUR 39:5

Pendek na i hape ditontuhon Ho umurku! Nada adong arti ni lolot ni ngolungki di adopanMu. Tontu ma da, hum songon sangombus hosa do jolma,

HARURUAR 14:24

Marayak andostorang, ditatap Tuhan ma sian tiang api dohot tiang ombun i tu tentara ni Mesir jana dipasarsar Ia ma halahi.

MATEUS 14:25

Jadi hatiha martahuak manuk, ro ma Jesus mardalan di ginjang aek i mandapotkon halahi.

MATEUS 24:43

Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

LUKAS 12:38

Jana muda ro ia di tonga borngin, sanga di andostorang, laing tong rade paintehonsa, jadi martua ma halahi.

2 PETRUS 3:8

Tapi na saragam on nada tola lupa hamu: anggo di parnidaan ni Debata nada adong asing ni na sadari dohot na saribu taon – sarupa do i dua-dua.

HAKIM-HAKIM 7:19

Marayak tonga borngin, lalu ma si Gideon dohot angka dongannia i di parbatasan ni parbandaran ni musu i. Na baru margonti dope di hatiha i pangawal. Jadi diombus si Gideon dohot rombongannia i ma sarune jana dipartaporkon halahi ma angka kendi ni halahi i.